Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Здоровье

БАНАТТНЕНЬ КОЛГА

Депрессияда.
Банаттне афкукс лездыхть депрессиять пингста, кеподьсазь мяльть. Банаттнень эса ули пяк эрявикс триптофан  аминокислота, кона виияфнесы павазонь гормонть—серотонинть.
Веронь давленияда.
Банаттне козят калийса, сяс теждяста сяськондьсазь давлениять мархта сотф прябалатнень и персесазь кить инфаркттненди и инсульттненди. Сятненди, кинь улихть прябаланза седить мархта, банаттне пяк эрявихть.
Гастритть и шапамса седиень поремать пингста.
Тя ламбама фруктась лезды сяськомс шапамса седиень поремать, ладяй желудкати.
Ладяйхть пря уйти.
Врачне мярьгондихть ярхцсемс бананда сембонди, кие заняф прявиень трудса, студенттненди и школьникненди: банаттне цебярьготфтсазь пря уйть работанц и сетьмофтьсазь пелемать, кона сидеста аф максси примсемс эрявикс решения.
 Пищеварениясь.
Банаттне козят клетчаткаса, кона ладяй сюлотненди.  
 

21.02.2019 №7
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин