Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

САРАНСКЯЕНЬ АЭРОПОРТСЬ ПОЛУЧАСЬМЕЖДУНАРОДНАЕНЬ СТАТУС!

Россиянь Правительствать Председателец Дмитрий Медведев 20 февральста путозе подписенц Саранск ошень международнай аэропортса воздушнай грузо-пассажирскяй пропусконь лама ширдень пунктонь, кона работай аф сембе пингть, Российскяй Федерациянь государственнай границать пачк ладямать коряс распоряженияти. Лиякс мярьгомс, Саранскяень аэропортти официальнайста максф международнаень статус!
 
Мордовиянь Оцюнясь Владимир Волков тя событиять колга мярьгсь:
  «Марса профильнай федеральнай министерстватнень и ведомстватнень мархта минь етафтоме оцю работа сянкса, штоба Саранскяень аэропортсь ванфтолезе 2018 кизоня етафтф футболть коряс Миронь чемпионатта меле международнай статусонц.
 
Арьсян, сембе ни шарфтозь мяльснон сянь лангс, кода кассь минь аэропортсонк рейсонь лувкссь и пассажирхнень обслуживанияснон качествац. Москуву и Санкт-Петербургу уликс рейста башка, тундань-кизонь пингть Мордовиянь эряйхненди и инжихненди ули кода повомс Саранскяйста видеста Сочи, Симферополь, Минеральные Воды, Екатеринбург ошненди.
 
Нинге мезсь отмечама, аэропортсь—футболть коряс Миронь чемпионатть наследиянц фкя инь главнай объектоц.
 
Тяни тейнек эряви мольфтемс работать сянь лангса, штоба международнай терминалсь улель сембе пингть тевса, и маластонь пингть аф аньцек Мордовиянь, но и шабрань региононь, коса аш международнай аэропорт, эряйхненди улель кода тяста пачкодемс прямой рейсса омба масторонь ошненди.
 
Тя решениясь пяк важнай и республикать экономиканц виияфтоманкса. И тянкса тейнек азома спасиба васендакиге РФ-нь Президентти, а стане жа странань Правительствати».
 

28.02.2019 №8
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин