Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

Владимир ВОЛКОВ: «2024 КИЗОТИ МИНЬЦОНК АПК-ТЬ ПРОДУКЦИЯНЦ ЭКСПОРТОЦ КАСЫ КОЛМОНЬ-КРДАДА ЛАМОКСТЬ»

Панжемок совещаниять, Велень хозяйствань министерствать оцюняц лятфтазе, што «О национальных целях и стратегических задачах развития Российской Федерации на период до 2024 года» Россиянь Президентть Владимир Путинонь указонц эряфс етафтоманц рамкаса агропромышленнай комплексть инголе ащи задача—касфтомс велень хозяйствань экспортть 45 миллиард долларти молемс.
 
Тяниень пингть Приволжскяй федеральнай округсь занцесы АПК-нь продукциянь производствать коряс омбоце вастть Россиять эзга. Прогнозс коре, 2024 кизоти округсь касфтсы экспортть кафтонь-крда: тяниень 1,2 миллиардста сявомок 2,8 миллиард долларти молемс. Кода ульсь отмечаф, тянкса региоттнень эрявикс потенциалсна ули. Тяконь мархта велень хозяйствань производствать касомац должен обеспечендавомс кода тяниень работай предприятиятнень рынкать вешфксонзон коряс одкстоптомаснон, стане и од объектонь строямать вельде. Марнек ПФО-ть территорияса лувондови аф 22-да кржа тяфтама инвестпроектта, конатненди марнек ули кода обеспечендамс 1,5 миллиард долларонь питнес экспортть касоманц.
 
Кда сявомс Мордовиять, республикась кемоста ащи васенце васттнень эса Приволжскяй федеральнай округонь и Российскяй Федерациянь региоттнень ёткса сявомок мяльс фкя ломанти велень хозяйствань ноляви продукциять объемонзон. Стане жа республикась сувси АПК-нь продукциянь экспортть коряс российскяй 15 региоттнень лувксс. 2017 кизоня экспортсь ульсь 12,6 миллион доллар, 2018 кизоня—16 миллион доллар. Экспортс моли продукциять объемонзон касфтомасна сотф производствать объемонзон аф лоткафневи касфтомаснон мархта. Тяниень пингть пищевой и перерабатывающай промышленностень 13 предприятиясь кучсесазь продукцияснон 24 странас. Мордовиянь Оцюнять валонзон коряс, 2024 кизоти АПК-нь продукциять экспортоц республикаса касфтови колмонь-крдада ламоксть.
 
«Велень хозяйствань продукциять экспортонц касфтоманц коряс задачать решандамац максы возможность одкстоптомс АПК-нь работай предприятиятнень, а стане жа строямс тяниень пингонь и оцю технология мархта од объектт. А тяста лисенди, што кармай виияфневома велесь, мезсь пяк важна и республикати, и странати»,—мярьгсь Владимир Волков.
 
Совещанияса примась участия Правительствань Председательть васенце заместителец—Мордовия Республикань велень хозяйствань и продовольствиянь министрсь Владимир Сидоров.  
 

28.02.2019 №8
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин