Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

РЕСПУБЛИКАНЬ ПРАВИТЕЛЬСТВАСА

—Экономическяй задачатнень рамкаса эряви республикань эрь районца мумс инвестициянди вастт и панжемс работамань од вастт. Эсь пингстонза тиф решеният анайхть технологическяй одкстоптомань, кадраса и регионца деловой климатонь обеспечендамань кизефксне,—мярьгсь Владимир Сушков.
 
Владимир Сушковонь валонзон коряс, башка мяль шарфтови идень мархта семьятнень ширень кирдемаснон коряс мератненди, здравоохранениять, образованиять, социальнай обслуживаниять виияфтомаснонды и экологическяй задачатнень пяшкодемаснонды.
 
Заседанияса стане жа ванондовсть транспортнай инфраструктурать объектонзон эса безопасностень кизефкснень решандамасна. Тяса ульсь Приволжскяй федеральнай округть эзга транспортонь сфераса Федеральнай службань транспортнай безопасностть обеспечендаманц мельге ваномать и государственнай авиационнай надзорть коряс Управлениять начальникоц Иван Данильцев. Ульсть тифт работань итокне, а стане жа ванфт 2019 кизонди главнай задачатне. Иван Данильцев макссь оцю оценка Мордовиять транспортнай инфраструктуранцты, отмечазе Саранскяйса футболть коряс Миронь чемпионатонь матчнень цебярьста етафтомаснон. Иван Данильцев макссь транспортонь сфераса надзорть коряс Федеральнай службать руководителенц Виктор Басаргинонь эзда Благодарственнай сёрмат МР-нь Правительствать Председателенц заместителенцты—жилищно-коммунальнай хозяйствань, энергетикань и населениять гражданскяй ширде араламанц коряс министрти Игорь Чадовонди и Правительствать Председателенц заместителенцты—строительствань, транспортонь и дорожнай хозяйствань министрти Виктор Цыгановонди.
 

28.02.2019 №8
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин