Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

«ШАЧЕМ КЯЛЬСЬ—НАРОДТЬ ВАЙМОЦ»

Кяльда мирса-масторса пяк лама, но эрти эздонк мзярдовок аф юкснема родной кяльть, сяс мес сон ломанти главнайсь эряфса. Мордовияса Родной кялень Международнай шить васьфнемац арась пара койкс. Миньцонк ладязь, фкя-фкянь шарьхкодезь, фкя-фкянди лездозь эряйхть русне, мокшетне, эрзятне, татархне, украинецне, армяттне, чувашне и ламоц лия нароттне.
 
Пуромфнень инголе васенцекс корхтась Мордовия Республикань культурань, национальнай политикань и архивнай тевонь министрть васенце заместителец А.И.Карьгин:
 
—Мордовия Республикань Оцюнять Администрациянц, Мордовия Республикань Культурань, национальнай политикань и архивнай тевонь министерствать, министрть А.М. Чушкинонь  эзда приветствиянь валхт азан сембе пуромфненди. Тейнек сяда тов мольфтемат и виияфнемат родной кяльхнень ванфтомаснон и содафокс тиемаснон мархта сотф тефнень.
 
Александр Иванович шарфтсь мяль сянди, што залу пуромсть преподавательхть, студентт, школаса тонафнихть—сят, кит кельгсазь родной кяльть. Тянкса теест оцю сюкпря.
 
Родной кяльть ванфтоманц и содафокс тиеманц мархта сотф тефнень мольфтемаса оцю путксонкса Мордовия Республикань культурань, национальнай политикань и архивнай тевонь министрть Благодарностенц  получазь Мокшэрзянь национальнай драматическяй театрань актерсь П.Е.Михайлов, тя театрань актрисась Е.Н.Гудожникова, лиятне.
 
Сяда тов вал максфоль Мордовия Республикань образованиянь министрть заместителенцты И.К.Дугушкинонди. Иван Кузьмич азсь благодарностень валхт литературно-музыкальнай тя илядть етафтыензонды. Валонзон коряс, Мордовияса кяльхнень ванфтомаснон коряс тевсь ладяф и мольфтеви пяк лац. И.К.Дугушкин инь достойнайхнень казезень Мордовия Республикань Образованиянь министерствать Благодарностензон мархта. Ётксост мокшавась, Рузаевка ошень 10№ идень садонь воспитательсь, газетаньконь ялгац Л.И.Миронова.
 
Мордовскяй (мокшень и эрзянь) народть Межрегиональнай общественнай организациянц председателец, Мордовиянь нароттнень Ассамблеяснон председателец Ю.А.Мишанин мярьгсь:
 
—Пара, што тяза сембе кочкавоме, штоба етафтомс тя илать. Ужяль, но эрь кизоня мирса юмси аф фкя кяль. Аш кяль—аш народ. Тя праздниксь сяс и арьсефоль, штоба планетать лангса эряй ломаттне нинге весть арьсезевольхть кяльхнень ванфтомаснон колга. Мордовиянь сембе школатнень эса тонафневихть мокшень и эрзянь кяльхне. И тя кепси мяль. Тя оцю сатфкс.
 
Юрий Александрович шарфтсь мяль сянди, што родной кяльхнень ванфтомаснон инкса лама тиендихть массовай информациянь средстватне. Эсост работай кой-кона журналисттне Ю.А.Мишанинонь кядьста получазь Мордовскяй (мокшень и эрзянь) народть Межрегиональнай общественнай организациянц Благодарностенц. Ётксост работас коре ялганьке—«Мокшень правдать» корреспондентоц, содаф поэтсь В.И.Нестеров, «Мокша» журналть публицистикань отделонц редактороц М.В.Аникина. Седи ваксста поздравляндасаськ синь!
 
Финно-угорскяй народонь культурань Поволжскяй центрать, Мордовия Республикань Нароттнень ялгаксшиснон кудснон директороц Р.И.Акашкина поздравляндазень сембонь оцю праздникть—Родной кялень Международнай шить мархта. Тячиень пуромксоньке, кле, лемтьф родной кяльхненди. Синь ванфтомаснон коряс кизефксне кемоста сотфт межнациональнай отношениятнень гармонизацияснон мархта.
 
Раиса Ивановна казезень Финно-угорскяй народонь культурань Поволжскяй центрать, Мордовия Республикань Нароттнень ялгаксшиснон кудснон Благодарностьснон родной кялень, национальнай коень-обуцянь ванфтыхненди и кельгихненди.
 
Актовай залть сценаста кулевсть рузонь, мокшень, эрзянь, татаронь, армянскяй, украинскяй и лама лия кяльса морот и стихт. Корхтасть Мордовиянь национально-культурнай автономиятнень представительсна.
 
«Родной кяльсь—народть ваймоц» лем ала литературно-музыкальнай илядьса примасть участия аф аньцек Мордовиянь эряйхне. Залу пуромфнень ётксотольхть делегацият Татарстанцта, Пензенскяй областьста, лия региоттнень и субъекттнень эзда.  
 
                                                                                                                                        Т.АЛЬШИНА.  
 

28.02.2019 №8
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин