Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

Юмор и сатира

КЯЛЬФТОМА КУЗЬКА

Но вов тага няйса Кузькань. Лангсонза равжа од костюм, мяштьсонза галстук. Виде, брюканза мянцеряфт, пяшксет срмода и панар сивоцка карьготьф. Но сембе сяка тя ни аф ся Кузькась, кона ветешка кизода инголе велеса клубувок якаль плманжава илештьф понксса.
 
—Шумбрат, Кузька!—пшкядень теенза. Сон варжакстсь лангозон, шамац веркс якстерьгодсь. —Чаво?
 —Тон кода тяза повоть? Мзяра пинге ашеме няе! Кузька ёфси толомсь. Сон ёрась кати ворьгодемс, кати пандомс кургозень. Сяльде чипордась и тусь кенкш шири. Мон—мельганза. Вятемань магазинть фталу и ушедсь сюцекшнемон:
—Тон мес, понимаешь, магазинца мархтон мокшекс лапоцят? Грамотнаят, а визьксце аш.
—Виздемс эсь кяльсонк корхтамать?!
Ваксканк ётасть кафта стирьхть и озасть эздонк аф ичкозе ащи скомнять лангс. Кузька тозордась. Няине: сяда тов кулхцондомс ашемань ёра. Стясь ваксстон и тусь стирьхнень малас. —Тинь... Ви... чаво тута?—кизефтсь ляпиякшнезь. Стирьхне варжакстсть фкя-фкянь лангс и рахазевсть.
 —Кузька, озак ваксозост,—пшкядень.
—Иди чёрту матери,—кулине ответонди казяма вайгяленц.
 
А стирьхне, кода налхкшт. Трвасна, сельмопонасна архнефт. Лафтуснон ланга нолдаф золотакс тюжя шяярьсна. Сери топаз мяштьсна, галош плманжасна, няйф, Кузькань котьфтезь седиенц.
—Ну, чаво ви тута?—тага кизефтсь Кузька.
—Мы ничаво, а ви чаво?—дразнязь пшкядсть стирьхне и рахазевсть.—Архт, цёра, маластонк. Тят машнефте,—пшкядсь фкя стирсь мокшекс. Кузька дивандамать эзда варягакс панжезе кургонц, а сёлгозе, мзярда ни лядсь ськамонза.
 
                                                                                                                              Михаил МОИСЕЕВ.  
 

28.02.2019 №8
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин