Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАСЕТЬКШНЕСЬ РОССИЯНЬ ВЕЛОСИПЕДНАЙ СПОРТОНЬ ФЕДЕРАЦИЯНЬ ПРЕЗИДЕНТТЬ ВЯЧЕСЛАВ ЕКИМОВОНЬ МАРХТА

Региононь руководительсь китькстазе, што тя направленияти республикаса шарфневи башка мяль. «Мордовскяй спортсметтне фалу арсихть сяськикс и призеркс всероссийскяй и международнай соревнованиятнень эса и лувондовихть инь виикс Россияса и инь цебярьхнень еткса сембе мирса. Минь мекольдень  оцю сатфксоньке—«Буэнос-Айресса кизонь юношескяй III Олимпийскяй налхкоматнень эса Варвара Овчинниковать сяськомац»,—мярьгсь Владимир Волков. Велоспортонь Федерациянь президентсь азсь благодарностень валхт региононь руководительти велогонщикнень ширеснон кирдеманкса и отмечазе, што республикать улихть цебярь перспективанза тя спортонь видть сяда товолдонь виияфтомаса. Лятфтасаськ, ВМХ-велоспортть коряс саранскяй центрась ульсь нолдаф стройс 2010 кизоня, сон пяшкотьф инь тяниень пингонь инфраструктураса, кона мярьгонди кизоньберьф занцемс пря спортса, мольфтемс целенаправленнай и лац-ряц спортсменонь аноклама. Рабочай васедемаса ванондовсть ВМХ Центрать спортивнай инфраструктуранц сяда товолдонь виияфтомаса кизефксне. Тяконь лувксса корхтамась мольфтевсь панжада велодромонь строямать колга, мезсь мярьгонди келептемс Саранскяйса етафневи международнай соревнованиятнень календарьснон. Планц коре арьсекшневи строямс тяса Россияса суперкроссонди 8 метрань сереса  стартовай  пандонь мархта васенце трассать, кона эряви Олимпийскяй налхкоматнень, миронь чемпионаттнень и кубкатнень етафтоманкса. Рабочай васедемаса примасть участия МР-нь Правительствать Председателенц заместителец Галина Лотванова, МР-нь од ломанень политикань и туризмань, спортонь министрсь Александр Савилов, велоспортть коряс олимпийскяй резервань республиканскяй спортивнай школать директороц Виталий Бояров.      

07.03.2019 №9
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин