Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

События

«САРАНСК ОШСА МОКШЕНЬ, ЭРЗЯНЬ КЯЛЕНЬ ИНЬ ЦЕБЯРЬ УЧИТЕЛЬСЬ» КОНКУРССА СЯСЬКСЬ Н.В.ПЛАТОНОВА

—Пяк пара улель, кда эрь учительсь тячи няфтелезе эсь прянц творческяй ширде и штоба тиелезе ся аськолксть, конань, пади, пельсь тиемс. Тиелесть сонь и араледе сяськикс. Сатфкст теенть и сембе цебярть,—мярьгсь сон.
 
Меле лиссть «Лучший учитель мордовского (мокшанского, эрзянского) языка городского округа Саранск-2019» муниципальнай конкурсонь участницатне. Сембоц эздост ветель, нилетне—эрзянь кялень учительхть и фкясь—мокшень кялень учитель. Наряжафтольхть мокшэрзянь щамса-карямса и эрть костюмоц пяк мазыель.
 
Конкурссь ушедсь «Визитная карточка» пяльксста. Эрь участницась маладсь визитнай карточканц анокламанцты творческяй ширде. Эсонза эрявсь няфтемс тонафнемать культурологическяй пяльксоц, презентациять тиемс эсь лацоннекс. И афкукс: вете участницатнень визитнай карточкасна аф фкатольхть, эрьса ульсь лама мезе мялень салай. Экранть вельде тевс нолявсть слайттне, конат пачфнесть учительть эряфонц и работанц колга. Саранск ошень 32№ средняй школань мокшень кялень учительницась Л.В.Ишаева азондсь эсь колганза рузонь кяльса стихотворениять вельде, а экранца мольсть мокшень кяльса слайтт. Шачемас коре Лариса Васильевна Темниковскяй райононь Ордаж велеста.
 
Муниципальнай конкурсонь участницатнень ёткса ульсь Луховкань лицеень эрзянь кялень учительсь Н.В.Платонова. Сембонь мяльс тусь Наталия Владимировнань визитнай карточкац.
 
Визитнай карточкать няфтемдонза меле етафоль конкурсть омбоце пяльксонцты, кона каннесь «Мастер-класс» лем. Пингстонза участницатне няфтезь профессиональнай маштомошиснон, родной кяльти тонафтомста эсь лацонь од ширетнень тевс нолямаснон, учителень тевса занци культурологическяй ширеть вастонц. Мастер-класса ульсь кода ваномс урокста пакшт.
 
Жюрити ульсь мезень лангса арьсемс. Сяськикс «Лучший учитель мордовского (мокшанского, эрзянского) языка городского округа Саранск-2019» муниципальнай   конкурсса лиссь Луховкань лицеень эрзянь кялень учительницась Наталия Владимировна Платонова, мезть мархта сонь и поздравляндасаськ! Лия участницатне арасть тя или тона номинациять коряс призёркс.
                                                                                                                                            Т.Альшина.
 

21.03.2019 №11
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин