Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

События

ВЛАДИМИР ВОЛКОВ ВАСЕТЬКШНЕСЬ ОНФ-ть ЦЕНТРАЛЬНАЙ ШТАБОНЦ СОПРЕДСЕДАТЕЛЕНЦ ЕЛЕНА ЦУНАЕВАТЬ МАРХТА

Главнай темась—коммунальнай калгода ляткснень коряс од системас етамась, кона эряфс ётафневи тяддень январьста сявомок. Республикаса кархчнень отдельнайста кочкамаснон коряс системась   эряфс сувафневи  нинге 2012 кизоста сявомок. Пуроптф опытть коряс Саранскяйсь занцесыне фкя инь васенце васттнень экологическяй рейтинкнень эса. Тяни эрявксни нолямс тевс практикаса кочкаф опытть Мордовиянь муниципальнай райоттнень эса.
 
Владимир Волков и Елена Цунаева отмечазь, што сембе работать колга эряви азондомс и пачфнемс общественностти эксперттнень и массовай информациянь средстватнень вельде. Омбоце важнай темась—патриотическяй воспитаниясь. Елена Цунаевась, кона стане жа работай Российскяй поисковай движениянь ответственнай секретарькс, азсь благодарностень валхт Мордовиянь Оцюняти ширень кирдеманкса, кона макссеви поисковай, волонтерскяй, строительнай, педагогическяй и од ломанень лия объединениятненди. Сонь мяленц коряс, эффективнай сотрудничествань тяфтама опытть эряви нолямс тевс Россиянь лия региоттнень эсовок.
 
Рабочай васедемаса примасть участия МР-нь Оцюнять Администрациянц руководителец Андрей Богатов, МР-нь Правительствать Председателенц заместителец Галина Лотванова, МР-са ОНФ-ть региональнай штабонц сопредседателец Олег Каштанов, военнай и трудовой подвигонь Мемориальнай музейть директороц Николай Кручинкин.
 

21.03.2019 №11
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин