Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

События

МИНЬ МАРСТОНЬ «КРЫМСКЯЙ ТУНДАНЬКЕ»!

Ня кизотнень Крымсь арась минь эряфоньконь пяльксокс и лоткась улемда оцю политикакс. Разнай поколениянь представительхть састь Тысячелетиянь площади, штоба ялгаксшинь обстановкаса лятфтамс ся шитнень колга, конат етафтфтольхть «Артекса», Ялтань пляшнень, Севастополень и Балаклавань бухтатнень эса, Ай-Петри панда прятнень и крымскяй дворецнень и усадьбатнень эса. Сембе пингонь и народонь Артековецне пуромсть марс, няфтемок тянь мархта минь великай Родинаньконь марстоньшинц. Флешмобонь участникта ульсь 5 тёжянть малава ломань. Азома, артековецне-ветераттне ашесть аще ширеса и весялготкшнесть фкакс од ломаттнень мархта. Синь валснон коряс, «Артексь» ляды сембе пингс ваймоса.
 
Фестивалень аноклайхне сембе сайхнень каванязь пси чайса и пярякаса-копшаса. Ламотнень мяльс тусь ялтинскяй шурьхкя мархта шашлыксь и аф сяда кальдяв крымско-татарскяйть коряс ламбама ярхцамбяльхне.
 
Аф ваномок начка ловть и аера вармать лангс, ломаттне пуромкшнесть кругс, гитарань коряс морсесть морот, танцевандазь «Севастопольскяй вальсть», лятфнезь ётаф кизотнень и путнесть надиямат кизонь кофнень лангс, мзярда ули кода етафтомс пингть Крымса.
 
Мордовиясь кирди ялгаксшинь кеме соткст полуостровть мархта. Минь регионцтонк сядот цёраня и стирня эрь кизоня ваймосихть «Артекса». Республикань вуснень эса фалу оцю мяльса примсесазь Крымста абитуриенттнень, ладяфт социально-экономическяй и культурнай кеме соткст, а сяс Мордовияса «Крымскяй тундась» саворне етай крымскяй кизоти, сёксети и нльне тялоти. 
 

21.03.2019 №11
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин