Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Национальная тематика

ЭРЬ СЮРЕКИСНОН ЁТАФНЕСАЗЬ СЕДИСНОН ПАЧК

Рузаевскяй райононь Мокшень Пишля велетьке улихть асу ломаненза, конатненди тя или тона тевса маштомошить максозе сонць Шкайсь. И синь оцю тя казнеть  ашезь юмафта, ашезь юкста, а  ванфтсазь эряфоньберьф и оцю мяльса содафнесазь мархтонза аф аньцек эсь, но и  шабрань велень, лия райононь, марнек республикань эряйхнень.
 
Тячи мялезе пачфтемс акатнень-сазорхнень колга, конат шачсть-кассть Мокшень Пишляса Табакофнень лама идень семьясост.
 
Инголенди азса, што акатне-сазорхне аф аньцек маштыхть сюреса сермадома, кельгсазь мокшень щапнень-каряпнень, оцю мяльса примсихть участия велеса и районца етафневи пуромкснень эса, но и сянь, што, эрямок лама киза пяк ичкозе емла родинаснон эзда, тосовок ашезь юксне минценнети—мокшеннети кельгомать, а виияфнезь сонь. И тяфта лиссь, што нилецьке мрдасть северста Мокшень Пишляв, коса тяни эряйхть.
 
Оцю акать, Мария Матвеевна Чадинать валонзон коряс, тядясна-алясна Анна Алексеевна и Матвей Семенович Табакофне идьснон, а эздост ульсь вейхкса, касфтозь-кеподезь трудонь кельгикс. Анна Алексеевна ерась, штоба стиренза маштольхть сюреса сермадома, кодама. И тя шарьхкотьф. Эрь ломанць эста эрясь сянь вельде, мезе тиендсь сонць. Мзярда Мария Матвеевна лиссь рьвакс эсь велень церанди, оттне тусть Мирный ошу, тоса мокшавась работась идень садса.  Чадиттнень семьяса шачсть кафта церат.
 
Аф ваномок ширеса эрямать лангс, Мария Матвеевна ашезе юксне сянь, мезти сонь и сазоронзон тонафтозень кельгома тядясна. Нинге Мокшень Пишляса эрямстонза тонадсь крёскаса сюреса сермадома. Тя тевть поладозе Мирный ошса. Ламоц работанза няфневсть идень садса, мазопнезь группать. Сяда тов мокшавась ушедсь гладьса сермадома. Мяленц салсезь ламоц сюжеттне: перьфпяльсь, жувататне, панчфне. Валонзон коряс, сюреса сермадомась пяшкотькшнесы ваймонц кенярдемада, валдта, павазда. И эрь работанц, нльне салмоксть эрь «аськолксканц» Мария Матвеевна Чадинась етафнесы седиенц пачк. Аньцек тяфта, кле, пряруцясь, нардамась, эрь лия работась лиси удалафста, туй ломаттнень мяльс. Мокшавась надияй, што кельгома тевонц лангс кармай шарфнема мяль унокоц Ксюша.
 
Мария Матвеевна тяни эряй емла родинасонза.
 
Табакофнень семьяста нинге фкя стирсь, Лидия Матвеевна, эсь пингстонза шумордазе Инсаронь велень хозяйствань училищать. Несколька киза эрясь Узбекистанца, меле мрдась Мордовияв, аф ламос работась заводса Саранскяйса, а сяда тов эряфонь киц пачфтезе Якутия Республикань Мирный ошу.
 
Кода корхнихть, авати вийс коре эрь тевсь, аф кяшенди сон стакада-сталмода. Мирный ошса Лидия Матвеевна Рыбина 35 киза покодсь стройкаса штукатуркс-маляркс. Тоса васьфтезе сай пингонь мирденц Николай Васильевичень. Рыбиттнень шачсть кафта церасна—Александр и Игорь. Северса эряфть лангс семьясь ашезь пеняця, но Лидия Матвеевнань седиец пяк лажаткшнесь Мордовияти. Пенсияс лисемда меле миртть-рьват етасть эряма Мордовияв. Мокшень Пишляса Л.М.Рыбина ушедсь кодама, гладьса сермадома.
 
Просакай. Тяфта школаса тонафнихне лемнезь велень школань столоваень заведующайть, пидить-панить Прасковья Матвеевна Куркинать. Тяфта лиссь, што П.М.Куркина стане жа тусь эряма Мирный ошу. Лама киза тоса эрясь, меле мирденц Алексей Петровичень мархта мрдась Мокшень Пишляв. Фкя церац тянемс эряй Мирный    ошса, омбоцесь работай Москуса. Прасковья Матвеевнань кафта уноктонза, синь эрь сашендомасна арси бабаснонды оцю казнекс. П.М.Куркина аф аньцек пяк танцтиста пиди-пани, кудъетконь эрь тевса сафтсы, но и крёскаса сермады.
 
Азонттама Табакофнень семьяста нинге фкя сестрать—Татьяна Матвеевна Савельевать колга. Сонга мирденц мархта тушендсть кельме шири эряма. Савельефне касфтсть колма церат. Аф кунара мрдасть емла родиназост, конанди кельгомась фалу юрнась толкс Татьяна Матвеевнань седиса.
 
Крескаса сюреса сермадома тонадсь аканзон-сазоронзон эзда, а северса тонадозе емла ожнатнень мархта работать. Ня кядьтефне, кле, сетьмофтьсазь ваймоть, лезнихть сяськомс стакатнень-сталмотнень.
 
Тяни акатне-сазорхне пенсиясот, но тевфтома ащекшнемс теест аш мзярда. Пряруцясна, нардамасна, картинасна, лия работасна тянь колга корхтайхть  пяк лац. Синь няфневихть выставкатнень, концерттнень, праздникненди лемтьф пуромкснень пингста, сявондевихть Рузаевкав и Саранскяи. Ламотнень эвондакшни мяльсна арамс содафокс авторснон мархта. И сидеста ломаттне дивандакшнихть, кулемок, што тяфтама мазышинь тиема акатне-сазорхне тонадсть синць, башка образованияфтома. Тяфтамкс синь бславазень Шкайсь, максомок теест асуши. Сембе цебярть теенть, машты кядь мокшават!
 
                                                                                                                                              Т.Альшина.    
 

Азонттама Рузаевскяй райононь Мокшень Пишля велень асу акатнень-сазорхнень колга
28.03.2019 №12
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин