Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

Теньгушевскяй районца строяви молочнай комплекс

Мордовиянь Оцюнясь Владимир Волков 29 мартста ётафтсь венгерскяй инвесторхнень, «МадьярАгро» компаниянь представительхнень мархта Теньгушевскяй районца 3 тежятть траксонди молочнай комплексть строяманц коряс рабочай васедема.
Лятфтасаськ, проектсь эряфс етафтови Мордовиянь Правительствать и Венгриянь Внешняй экономическяй связень и иностраннай тевонь министерствать еткса АПК-нь сфераса марстонь тевонь вятемать коряс соглашениянь рамкаса. Ванондовсть кизефксне, конат сотфт проектнай документациять сяда лац ваномаснон и строительно-монтажнай работатнень ушедомаснон коряс анокламать мархта.
Рабочай васедемаса примасть участия Мордовиянь Правительствать Председателец Владимир Сушков, Правительствань Председательть васенце заместителец—МР-нь экономикань, торговлянь и предпринимательствань министрсь Владимир Мазов, МР-нь велень хозяйствань и продовольствиянь  министрть васенце заместителец Юрий Голов, Теньгушевскяй райононь оцюнясь Александр Кузьмин.

04.04.2019 №13
 
 
 

 
НОВОСТИ
 
 
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин