Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

Тяште валдоц аф юмай

Мокшень писательсь Ф.С.Атянин шачсь 1910 кизонь 19 июньцта Пензенскяй областень Мокшанскяй райононь Мокшень Муромка велеса. Ульсь сапожниконь ученикокс: грузчикокс, шахтеркс. Етазень войнать кинзон-янонзон, коста мрдась 1944 кизоня и кармась работама мокшень кялень и литературань    преподавателькс     Москуса,    театральнай    искусствань    институтса.
Меле сась Саранскяи, кармась сёрмадома.
«Мазы пинге» стихонь васенце сборникоц лиссь 1954 кизоня. Сяльде мокшень и рузонь кяльса лиссть книганза: «Сельведь-богатырь», «Тунда», «Чудо над Мокшей», «Ласточка», «Серебряное озеро», «Поступок Нади», «Гимназист» и лият.
Ф.Атянинонь произведениянза ётафтфт странасонк лама народонь кяльс.
1967 кизоня мокшэрзянь музыкально-драматическяй театраса няфтьфоль Ф.Атянинонь «Атямсь кельги мокшень стирь» пьесанц-ёфксонц коряс спектакль, кона тусь ваныхнень мяльс. Тя спектакльсь ётафтф рузкс.
«Серебряное озеро»—тяфта лемдезе писательсь инь содаф книганц. Сон аф весть нолдафоль миньцонк и Москуса.
Ф.Атянин кельгозе мокшэрзянь фольклорть, кочксезе сонь. Кульф ёфкснень, легендатнень, азкснень нолязень писателень седиенц пачк и книганзон вельде пачфнезень лувити. Васенда ванозь писательть творчествац лемтьф емлатненди. Ся, пади, и виде. Аньцек оцюфне лувондсазь книганзон пара мяльса и нльне аф весть.

04.04.2019 №13
 
 
 

 
НОВОСТИ
 
 
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин