Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Здоровье

Курендамс или аф?

Кда лятфтамс историять, Европаста Россияв махоркать ускозе Петр I. А тоза курендамась сась Америкаста. Но тоса, американскяй индеецнень, курендамасна ульсь ритуалкс и аф эрь шиннекс. Сяс эрь мезне, мзярда кядентень венепнесасть сигаретати, лятфтасть: «Курендамась тии кальдяв шумбрашити!»
*Курендамань качамса колмогемоньда лама ядовитай веществада: никотин, углекислай газ, углеродонь окись, синильнай кислота, аммиак, смолистай веществат, органическяй кислотат и лият.
*Сигаретань фкя-кафта пачкаса никотинонь сняра доза, кона вяти куломати. Курендайть ванфнесы аньцек ся, што тя дозась ноляви организмати аф эстокиге, а пингонь ётазь.
*Курендайхне сяда сидеста сярятькснихть аф курендайхнень коряс стенокардияса.
*Кемгафтувоксть сяда сидеста—миокардонь инфарктса, кемоньксть—желудкань язваса.
*Ракса сярядихнень 96-100 процентсна курендайхть.
*Эрь сисемце курендайть улихть прябаланза веронь сосуданзон мархта.
*Никотинць канды зиян внутренняй секрециянь железатненди, надпочечникненди, конат лихнихть верти адреналин, самай сон эвондафни сосудань спазмат, кепсесы артериальнай давлениять и вишкста пикссефтьсы седить.
*Статистикать коряс, семьятнень 75 процентсна явондыхть, коса полатнень эзда фкясь курендай.
*36000 цалковай кизоти карьхцяй фкя курендайсь сигаретанди.
Штоба кадомс курендамать, эряви мумс стама пинге, штоба эряфсонт афольхть уле стресст (урмат, коза-бди ардомат).
Сигаретатнень эзда атказамась—тя вии стресс, вдь никотинць ни эцесь метаболизмати, и тяни пяк стака организмати. Никотинфтома ламотнень ушеткшни биохимическяй ломкасна.
Сембе ломаттнень курендамаснон кадомац етни аф фкя лацоннекс. Ламотнень юмси удомасна, кепсихть нервасна, колмоцетнень сярядихть прясна. Ламонцне курендамать вастс шокшендыхть эйнянь конфетада  или шулгондыхть  шинжаромань видьмода.
                                                                                  * * *
Тя средствась пяк ладяй сятненди, кие аньцек кадозе курендаманц или ерай аньцек кадомс. Сон курокста аруяфтсыне качамть эзда потмонь оргаттнень, инь пяк тевлафнень.
Эрявксты: 1 оцю     шурьхкяпря, 2,5 оцю куцю куркумань порошок, 50 грамма имбирень ункст, 350 грамма сахар или медь, 1 литра ведь.
Лакафтость сахар и куркума мархта шоряф ведть. Каясть керсеф шурьхкять и имбирть. Сяльде кирьфтасть цютькада толть и учесть, мзярда смесень объемсь кржалгоды кафтонь-крда. Педясть, кельмофтесть комнатнай температурас, каясть получаф симомбяльть пяксневи клянцеконь кядьгос и ванфтость холодильникса.
Штоба тя симомбяльть улель сяда оцю эффектоц, симондеда эздонза кафксть шити оцю куцювонь—шобдава вачень пект и илять ужнамда меле 2 частонь етазь. Недяляда меле ни марясасть, кода ваймось тарксеви сяда тёждяста и крхкаста.

04.04.2019 №13
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин