Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обо всем понемногу

Тяфтавок уленди

Цёранясь лядсь шиса 30 градусонь кельмоса
Евгений Власов, Хабаровскяй краень эряйсь, колма кизоса церанянц мархта тусь снегоходса арнема.
Эряйхть синь Кенай аф оцю велеса. Пачкодсть Гур ляйть малас. Эетьксть лангса «Буранць» кармась буксавама. Штоба шаромс меки, Евгений лиссь эйса вельхтяф ляйть лангс. Церанянц кадозе берякти. Снегоходть и водительть сталмосна ульсь пяк оцю. Эйсь лазовсь. Алясь тяряфнесь лисемс, но шавос. «Церай, ласьк ломаттненди!»—ювадсь Евгений и кяшевсь ведть алу. Кафтошка частста 3 кизоса церокшкясь лиссь кить лангс. Шобдалгодсь. Ульцяса ульсь 30 градус кельме. Павазонди, цера шабанясь васьфтезе лесопилкань работникть. Сон пачфтезе иднять куду.
 
Тусь судьбанц эзда
Подмосковьянь эряйть Дмитрий Митяевонь цяткофтозе машина. Больницяса шарьхкотьфоль, алясь тяконди вельф ирецтоль—9,4 промиля (куломати вятикс лувондови 5-6 промилясь ни). Но аф сяпинясь, аф машинать алу повомац сонь ашезь машфта. Пациентсь удось, пчкафнезень токаф вастонзон и лиссь клиникаста 5 шида меле.

04.04.2019 №13
 
 
 

 
НОВОСТИ
 
 
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин