Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обо всем понемногу

Пеетькс пакшкат

—Тон афкукс курок шачфтат?!—пешкоды алясь стиренцты.
—Да, тейне тянь азозе врачсь.
—Но кинь эзда?
—О! Аляй, тянь сон тейне ашезе аза.
 
—Куроконе азыть косот ярмакне, а то пондате!
—А кда азсайне, эста аф токасамак?—эводемать эзда трнатозь кизефтсь авась.
—Аф токате!
—Надияфтат?
—Надияфтан!
—Ярмакне сбербанксот…
 
Мирдсь веть куду мрдась копордафста. Рьвясь, марямок эздонза духинь шинеть, казямста кизефнесы:
—Коса улеть?
—Генань ширеса.
Рьвясь эстокиге кочкасы Генань номеронц.
—Привет, Гена. Моннесь ульсь ширесот?
—Кода ульсь? Сон тянивок тяса.
 
—А монь пекозе колбасантень эзда аф урмаськоды?
—Аф кенери.
 
Рьвясь мирденцты:
—Тейне-арам, мон, кода ава, ёфси тейть аф эряван.
—Тон месть лавгат?! На вов гладендак панарозень и ярхцамс аноклак.
 
Алясь и авась васта лангсот.
Авась:
—Тяфта лямбе?
—Лямбе.
—А тяфта?
—Сядонга лямбе.
—А кда тяфта?..
—Кулхцонтт, саты кондиционерть мархта колендемс. Давай маттама.
 
—Аляй, класснай руководителеньке тернетянза школав.
—Местема?—кизефнесы аляц.
—Аф содаса, сонь ашине няенде ковшка!
 
Объявления. Юмафтф ярмак мархта чемодан. Мрдафтость хуш ярмакнень.
 
Тага керозь премиязень! Курок расчётнай листса «сембоц максомс» цифрать вастс ули тяштьф «спасиба работацень инкса»!
 

04.04.2019 №13
 
 
 

 
НОВОСТИ
 
 
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин