Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Тема дня

РФ-нь просвещениянь министрть заместителец Т.Ю.Синюгина шназень Мордовиянь тонафнихнень сатфксснон

Ёткшиста, 6 апрельста, Саранскяи рабочай поездка мархта сашендсь Российскяй Федерациянь просвещениянь министрть заместителец Т.Ю.Синюгина. Татьяна Юрьевна примась участия историять коряс школьниконь Всероссийскяй олимпиадать заключительнай  этапонц панжемаса, кона ётась И.М.Яушевонь лемса Государственнай музыкальнай театраса, а стане жа марса МР-нь Правительствать Председателенц заместителенц Г.А.Лотвановать и Мордовиянь образованиянь министрть Г.А.Явкинать мархта ванозень Саранскяень кой-кона образовательнай организациятнень.
Шобдава оцю инжись ульсь Асу шабанди Республиканскяй лицейса. Т.Ю.Синюгина азозе, што дивандакшни сянди, мзяра уленди Мордовиянь участникта всероссийскяй и международнай олимпиадатнень эса. И лятфтазе Саранскяень    лицеисттнень Краснодарса ётафтф Всероссийскяй олимпиадаса оцю сатфксснон. Татьяна Юрьевна эста работась образованиянь министркс тя регионца и мяляфтсы, кодама сидеста кайгсь Мордовиять лемоц сяськихнень азомста.
Т.Ю.Синюгина ванозень лицеень лекционнай залхнень и лабораториятнень. А тонафнемань организациять директороц Е.А.Вдовин тя пингть азондсь лицейть сатфксонзон и шабатнень тонафнемаса эсь лацонь ширетнень колга.     РФ-нь просвещениянь министрть заместителенцты пачфтьфоль, што лицейса тонафнихть итть странань кемотть регионцта, а стане жа омба масторста, кепотьксонди, Украинаста и Сирияста. Лицейсь кирди сотрудничендамань соткст Россиянь ламоц ведущай образовательнай организациятнень мархта. Лицеисттне улендихть тя учреждениятнень эса, васетькшнихть тостонь тонафнихнень мархта, полафнихть опытса.
Стане жа Т.Ю.Синюгина ванозе интернатть, коса эряйхть лия регионцта саф тонафнихне, корхнесь лицеисттнень мархта.
—Няйфсь-кульфсь кеподезе мялезень,—мярьгсь Саранскяень лицейть мархта содафтомда меле Т.Ю.Синюгина.—Тиньцонт пяк асуфт шабатне, сельмосна палыхть, тяфтамотне тевфтома аф лядыхть. Арьсян, Саранскяйсовок теест муви цебярь работа.
Стане жа Татьяна Юрьевна китькстазе, што Просвещениянь министерствась фалу кармай кирнема сатфксонь сатни тонафнемань заведениятнень ширеснон.
Тяда меле Т.Ю.Синюгина ульсь Саранскяень 12№ гимназияса, коса тя шиня школьникнень мархта ётафтфоль профориентационнай работа. Татьяна Юрьевна васетькшнесь оцю классонь тонафнихнень мархта, конат тя пингть аноклайхть брейн-рингть коряс республикань чемпионатти. Стане жа Россиянь просвещениянь министрть заместителец ванозе английскяй кялень тонафтыть Олег Игошкинонь мастер-классонц, конань сон етафтозе ошень лия школатнень эзда тонафты ялганзонды. Т.Ю.Синюгина шназе тяфтама опытса полафтомать и кошардозень учительхнень мумс вастснон кочкаф профессиясост, аф тушендомс школаста. «Школати, шабатненди эрявихть од профессиональнай тонафтыхть»,—мярьгсь сон.
Сяда тов российскяй министерствань представительсь ульсь Ялгинскяй идень кудса-школаса. Ванозень тонафнемань класснень, комнататнень, коса эряйхть шабатне, музейть. Т.Ю.Синюгина пара мяльса содафтсь выставкать мархта, коса няфтьфтольхть кудонь-школань эряйхнень творческяй работасна.
Кода ни азфоль вяре, Т.Ю.Синюгина Саранскяйса примась участия историять коряс школьниконь Всероссийскяй олимпиадать заключительнай этапонц торжественнай панжевомасонза. Олимпиадас пуромкшнесь 254 участник.
—Мокшэрзянь масторсь аф весть ни примсезень разнай предметтнень коряс олимпиадатнень,—китькстазе Т.Ю.Синюгина.—И минь лац содасаськ, кда Мордовиясь кярьмодсь кодамовок тевс, сон ули тиф инь оцю профессиональнай уровеньца.
МР-нь Оцюнять В.Д.Волковонь лемста олимпиадань участникнень и инжихнень приветствовандазень республикань Правительствать Председателенц заместителец Г.А.Лотванова. Сон азозе, што Мордовиясь лувондсы оцю честекс, мес тя оцю пялькстомать ётафтоманкса правать Россиянь Просвещениянь министерствась максозе минь региононьконди.
О.ЕВДОКИМОВА.

11.04.2019 №14
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин