Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Национальная тематика

ПИТНИ КАЗНЕ МОКШЕНЬ ЛУВИХНЕНДИ

А.П.Тяпаевонди аф эряви кодамовок реклама. СССР-нь Писателень союзонь членть, Мордовия Республикань Заслуженнай, Народнай писательть, Славань колмоце степенень орденонь кавалерть аф пелезь ули кода лемдемс мокшэрзянь литературань классикокс. Биографияц пяк козя. Творчествац тонафнеф. Колганза сёрмадыхть содаф учёнайхть, писательхть, журналистт, школаса тонафтыхть. Аф лувовихть, аф лятфтавихть сембе книганзон лемсна. Мокшень и рузонь кяльса лиссь 25 лама книгац. А мзяра произведения, литературань кизефкснень коряс работа печатлась периодическяй изданиятнень эса. 2018 кизоть пестонза содаф писательть  Мордовскяй книжнай издательстваса лиссь нинге фкя книгац,  конань лемоц «Тройцясь—ваймонь ила».  Эзонза сувасть од стихонза и поэманза. Од книгась печатлаф «Красный Октябрь» типографияса. Сон сембе ширде удалась. Книгать обложкаста ваны лангозонк сонць А.П.Тяпаев. Сон од, отькорь, ванфоц оржа, смузю, ламонь надияфты. Аф ваномок мезеньге лангс, сон сёрмады и сёрмады.
Произведенияфтомонза пцтай аф лисенди «Мокша» журналть фкявок номероц. Пяк сидеста сёрматфонза лисендихть и «Мокшень правдаса». Кудста аф лисендезь цебярь произведеният аф сёрмадовихть. Анатолий Прохорович фалу ломанень, эсь героензон ёткса.
Пяк удалась од книгать лемоц—«Тройцясь—ваймонь ила». Мес Тройцясь, а аф Роштувась, Масланцясь... Нятка оцюфт илатне. Аф содаса, мезе кирдсь мяльса писательсь,  лемдемок тяфта  од книганц, но мон арьсян, што Тройцясь башка оцю ила. Мярьктяма, Роштувась—оцю илась, но эрь велеса сонь васьфнесазь и ётафнесазь эсь лацонза. А вов Тройцяста нльне пялес шава велетне пяшкотькшнихть ломаньда. Шачема уженязост сашендыхть ломаттне мянь масторбеста. Ваймось терди шачема шири хуш фкя шиняс, фкя часткас. И конашка павазсь, кда тя удалай тиемс. Тройцясь лезды васьфтемс шачема ширецень, родной кудцень, тядятнень-алятнень, раднятнень, шабакс пингонь ялгатнень, школаса тонафтыхнень мархта. Тянь аф полафтсы кодамовок Сочи, Египет. Арьсян, што тякоть мяльсонза кирдьсы и А.П.Тяпаев.
Од книгась явф вете пяльксова. Нят «Панда пряса шись», «Марса тюреме вракнень каршес», «Гербть кучкава келазсь», «Эрька сёроня паксяцти видек», «Поэмат, ёфкст».
Тройцясь—ваймонь ила» од книгасонза А.П.Тяпаев стихса сёрмады эсь писатель ялганзон колга. Кепотьксонди, кафта стихт лемдсь содаф писательти Г.И.Пинясовонди. Нят «Мекольце васетькшнемась», «Пинясовонь лятфнемс». Григорий Ильич цебярь ялгаль, содаф писатель. Ужяль, но пяк рана тусь  эряфста, кадсь лама книга, мокшень, рузонь кяльса произведения. Пинясов, мярьгат, эряскодсь тумс тя эряфста. Мекольдень пингть пяк сярядсь, шарьхкотькшнесь, што лядсь аф лама. Но старандась аф тиемс ризфу шама, фалу мзолдсь, седикс-ваймокс корхнесь ялганзон мархта, тонафтсь эсост, макссесь смузю советт. Тянь пяк лац приметазе, няфтезе эсь стихонзон эса Тяпаев. Вов мезе сёрмадсь «Мекольце васетькшнемась» стихсонза.
«Аф юкстави,
мекольцеда сашендсь,
«Мокшу» ялгакс
корхнема сувась.
Сярядсь пяк, а
шамасонза ашель
Ризфонь цильфке,
 кяшемонза маштсь.
—Мезе однясь?—
кизефнесь сон ялгакс.
Меле тейнек
пеетькшнезь пшкядсь:
—Кулине, кундаде
лама калда,
«Мокшень правдаське»
тинь колгант тяштсь».
Г.И.Пинясов пращась ялганзон мархта пяк стакаста, но старандась аф няфтемс, што тя мекольце васетькшнемац. Вов кода сёрмады тянь квалма Тяпаев:
«Сашендсь сон
больницяста ни тяфта,
Сёрматфонзон
«Мокшети» сон казсь.
Сярядсь пяк, а ручканц
исце прафта:
Печатламс кандсь
седиса тяштьф азкст.
Мархтонза минь
мекольцеда няеме.
—Пара корхнемс!—
мярьгсь сон.—Но туян…
Аньцек сяконь исце
аза тейнек:
«Ялгат, курок шиса
аф улян».
Оцю казнекс, питни казнекс арась тейнек А.С.Малькинонди лемтьф стихоц. Сонь лемоц «Малькин войнаса». 2018 кизоня топодель 95 киза Кяшалонь цёфксти, содаф поэтти А.С.Малькинонди. Эрь кизоня Атерень модать лангса ётафневихть лемозонза оцю илат, Малькинскяй лувомат. Ётай кизоть синь ётасть комсь ветиецеда. Поэтть колга сёрматф пяк лама. Но и пяк лама колганза аф содатама. Койсон, кржа мезе сёрматф войнаса улеманц, фашисттнень каршес тюреманц колга. Эсь стихсонза А.П.Тяпаев лятфни 1944 кизонь 22 сентябрть Клайпеда ошть маласа вишке бойть колга. Малькин тюрсь Клайпеда ошть инкса. Полксна аф пелезь тюри врагть каршес, солдаттне фталу ашесть пота. Аньцек инголи и инголи. Но фкя пушкать аф маряви вайгялец. Ляцендихне прафт орудияснон ваксс, ранендазь синь врагонь пулятне. Но ашель мяльсна куломс, лядомс тязк.
Эряви азомс, А.С.Малькинонь лац содазе А.П.Тяпаев. Васьфнесть, седикс-ваймокс корхнесть, тисть фкя пяк оцю и эрявикс тев—мокшэрзянь литература. Ульсь Кяшалса, Малькинскяй лувоматнень эса. Лятфнесь поэт ялганц колга.
А.П.Тяпаев лятфнесы эсь книгасонза И.П.Кишняковонь—«Иссась шуди Волгав» романть авторонц. Вов кода ушедсы эсь лятфнеманц:
Монь ульсь пяк пара ялгазе.
И кода шуди Волгав
Исаньке, няфтемс варжазе,
Роман сон тяштсь
тянь колга.
Кишняков—содаф писатель, А.С.Малькинонь цебярь ялгацоль. Ламоксть ульсь Кяшалса Александр Степановичень шачема ширесонза. Сашендсь Малькинонь мархта, а тоса и ськамонза. Эрясь Мордовскяй АССР-нь и РСФСР-нь Заслуженнай учительть В.С.Богдановонь ширеса. Кочкась материал велень эряфть, ломаттнень, койхнень-обуцятнень колга. Повондсь лама приключенияс. Тянь квалма тяшнень и «Мокшень правдав», и «Мокша» журналу. Васенценди сонь лувозе и азозе эсь мяленц А.П. Тяпаев. Стихонц аделазе тяфта:
Эсь ялганьконь
юмафнесаськ,
А якаме фкя киса.
А меле аньцек лятфнесаськ.
Ужяльхть, мес ашет шиса.
Аш шиса тяни и Пяцёрать цёрац, ялганьке, тонафтыеньке, содаф писателеньке М.С.Моисеев. Теенза А.П.Тяпаев лемдсь аф оцю поэма. Ушедозе школав якаманц эзда:
Миша якась велень школав,
Цють зарниколь—
вальмя колась.
Сякокс ётнесь
класста класс,
Афи фатясть, кода кассь.
Кассь и ушедсь тяшнема газетав, журналу. А эсь кинц ушедозе строямань тевста. Строясь Ромодановаса сахарнай завод. Тевсь стакаль, ашель пинге ваймамска. Но:
Миша мушендсь пинге
тяштемс
«Мокшень правдав»
стихт и азкст.
Рахсезень, кит тевда
кяшендсть.
Сяпи ведьта кие лазсь.
Пеетькшнезень нолатнень, кальдявста прянь вятихнень, салайхнень-колайхнень, прянь няихнень, аф ялгакс тиендихнень, кялень шовсихнень, подхалипнень. Од цёрать, Миша Моисеевонь, эстонь Главнай редакторсь В.М.Сурков тердезе «Мокшень правдав» работама.
Миша Моисеев,
Курокста срхкась.
Ёфси апак пеетть
«Мокшень правдав» сась.
Мишань кялец оржаль,
Сельмонза няйсть пяк.
Коса ули морга,
Лаксесы сияк.
Анатолий Прохорович поэмасонза няфтьсы, кода Моисеев кассь оцю журналистокс, писателькс. Китольхть сонь ялганза, содафонза. А нят Яков Пинясов, Максим Бабан, Илья Девин, Александр Малькин, Иван Кудашкин, лиятне. А аделазе Тяпаев поэманц тяфта:
Ялгат, ули мезе азомс
нинге.
«Мисеевть» колга, но
сась пинге—
Лоткамс тейне
тякоть лангс.
Якаме аф аньцек пангс…
Сяньге азондса мон—ожу!
Но сянь квалма—оду, оду…
Поэмась сёрматф 2013 кизоня. Одуда ульсь лама. Синь лисендсть «Мокшень правдаса», «Мокшеса».
Инь няевикс вастса «Тройцясь—ваймонь ила» книгаса «Узедом» поэмась, конань А.П.Тяпаев лемдезе Советскяй Союзонь Геройти М.П.Девятаевонди. Тя ломанць содаф сембе мастор лангса. Колганза сёрмадсть содаф писательхть, учёнайхть, журналистт, политикт. Лац содазе и аф весть Михаил Петровичень мархта васьфнесь и Анатолий Прохорович.
Паролец Мишань
ульсь «Мордвин».
Лац содазь полкса
мокшень цёрать.
И лездсь парольсь
 тя няемс кинц,
Мзярда сяськомс
аньцек ёрась.
Фкя бойса мокшень цёрать крьвязсь самолётоц. Палы самолётста Михаил Девятаев парашютса комотсь и повсь немецкяй пленц.
И кяме пряса бокти каясь.
Прафть каршес
тюрема, няк, маштсь.
«Мон пленцан»,—
шарьхкодсь Девятаев,
И тага ёженза
сонь маштсть.
Пленца улемась—тя ад. Поэмаса авторсь няфтьсы, кода муцясь мокшень цёрась, кода вешендсь кит-ятт ворьгодемс островста. И вов 1945 кизонь 8 февральста Узедом острову аэродрому тага усксть пленнайхть ловонь урядама. Тя командасоль и М.П.Девятаев. Мяльсна фкяль—ворьгодемс немецкяй адста. И тя удалась:
Кеме кядьса кирдсь
штурвалонц.
Пленнайкс щаф пилотсь.
Кулхцондсь Миша
Девятаевть
Врагонь самолётсь.
«Тройцясь—ваймонь ила» книгаса 186 произведения. Нят стихт, легендат, притчат, ёфкст, поэмат. Конашкава удаласть поэманзон лемсна «Толнят-штатолнят», «Девин—шачема велесонза», «Егора», «Солдатонь куцю», «Акся», «Юртай и Ульяна», «Тюштя». Сембе произведениятне сёрматфт мокшень ару кяльса, лац шарьхкодевихть и оцю, и ёмла лувити, саласазь мяльцень.
Ня шитнень улень Курташкань средняй общеобразовательнай школаса. Тонафтыхненди няфнине А.П.Тяпаевонь «Тройцясь—ваймонь ила» од книганц. Лувоме мзяра-бди стих, ванондоськ компьютернай вёрстканц, дизайнонц.
—Книгась мялезон,—мярьгсь мокшэрзянь литературань тонафтысь Н.Я.Алёнина.—Мархтонза карматама работама. Иттненди няфтьсаськ урокса, луфтама стихт, поэмат. Карматама нолямонза тевс аф класснай мероприятиятнень эса. Анатолий Прохоровиченди арьсетяма кеме шумбраши и од произведеният.
Тяколь мяльсна Т.М.Кабановать, С.И.Чумаровать,        С.И. Якушкинать и лия тонафтыхнень.
Койсон, «Тройцясь—ваймонь ила» книгась арай шра лангонь энциклопедиякс мокшень кялень, литературань тонафтыхненди, кельгихненди. Оцю казне вузса, училищаса, школаса тонафнихненди. Книгаса лама азондови мокшень содаф поэттнень, писательхнень колга. Мярьктяма, школаса ётасазь И.М. Девинонь творчестванц. Кода тяса аф лятфтамс «Девин—шачема велесонза» поэмать. А.Тяпаев явозе сонь ниле пяльксова: «Нардише», «Васедема», «Кайги «Лайме порац», «Теризморгаса». Лувсайть ня лепнень и сембось арай эсь вастованза:
Кайги мороц
масторть  келес,
Седис мушенды киня.
Аф юмай, аф шами велесь,
Коса Девин шачсь Илья.
Пяк пара, што Сире Теризморгаса мекольдень кизотнень ушедсть ётафневома Девинскяй лувомат.
А.П.Тяпаев—тонафтыеньке, ялганьке. Перанц алда лиссь лама цебярь произведения. Тяконь лувксса «Тройцясь—ваймонь ила» стихонь и поэмань пусмось. Сон сёрмады и сёрмады, кеняртьфнесамазь од произведениянзон мархта. Сяс и кармайхть нинге лисема од книганза. Сонцень эряфсонзовок катк фалу ули «Тройця—ваймонь ила».
Илья ВЕШКИН,
Россиянь Писателень союзонь член.

11.04.2019 №14
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин