Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Здоровье

Пчкафтови ли кргаса сярядемась шокшема таблеткаса?


—Тяряфнян пчкафнемс ангинать лекарствафтома, мезевок,  шта, тянь эзда лиси?
В.Кошелева.
—Аф пчкафтови. Сяс мес кргапарьса сярятьфсь эвондакшни фарингитса и ларингитса сярядемста. Ня урматненди туфталкс ащихть вирусне, пси ярхцамбяльса слизистайть коламац, аллергиясь или коське кожфсь. Шокшеманди пастилкатне и леденецне, конатнень эса улихть пчкафты касыксонь экстрактт или кодама-бди антисептикт, лездыхть ляпоптемс слизистайть, валхтомс воспалениять, кирьфтамс вируснень     лувксснон. Но, кда кргапарьса сярятьфсь, кона эвондакшни нилемста, сотф ангинать мархта, эрявксты афкуксонь пчкафтома. Тя урмать срхкафнесы сембода сидеста стрептококксь, кой-мзярда лия бактериятне и нльне грибокневок. Синь каршезост аш вийсна ня шокшема пяльхнень. Синь ляпоптьсазь кргапарьть, но аф машфтсазь микробатнень. Микробатне эряйхть нилематнень мяньксснон эса. Вдь, кргань оргалямаське хуш и лезды, но аф фалу штасыне-лихтьсыне сыйхнень-микробатнень.  Улихть шокшемань эрь кодама антибактериальнай препаратт, но синь тевс нолямат аньцек врачть мярьгоманц коряс. Апак арьсек тяфтама лекарствань тевс нолдамась вяти  курга потмонь микрофлорать гастяманцты, желудкать, кишечникть и максоть работанц коламанцты. Сяс ангинась пчкафнема врачень кядяла. Тя урмать мархта аш кода налхксемс, сон максы осложненият седить и пичемарьхнень лангс, а педа-пес апак пчкафтф ангинась вяти ревматизма урмати.
И.Громова,
лор, высшай категориянь врач.

11.04.2019 №14
 
 
 

 
НОВОСТИ
 
 
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин