Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Обо всем понемногу

Семботь колга

Приметат
Минь атяньке-бабаньке пяк верондасть кухнянь приметатненди.
*Пяярдемс салть—сялондомати. Ков сяда лама пяярдеть, тов сяда стака кармай кяжсь. Но сялондомати тевсь аф пачкоди, кда сявомс пяярьф салть эзда курмозь и ёрдамс кержи лафтуть вельфке или рахамс.
*Апак фатяк пяяртьф чайсь—апак учсек кеняртьксонди.
*Аф мярьгондеви кочксемс шра лангста кши паморькснень кядьса—аньцек нуласа или щёткаса, лиякс, кудса аф ули козяши. Паморькснень курмозьс кочксесазь аньцек ашуфне.
*Кда сивольсь кастрюляса пидемста пяк ёмлалгоды—аф цебяренди, а кда сон сяда таргози—цебяренди.
*Алонь кеттне кода можна сяда курокста урядамат шра лангста. Синь сявондьсазь вийхнень.
*Аф мярьгондеви кадондомс шра лангса шава сюлекат—инь кржась тя может вятемс ярмакнень аф сатнемаснонды, лияста—нльне кулыенди.
*Аф мярьгондеви нарнемс шрать кагодса—тя вяти апак учентт карьхцненди.
*Кда шра лангса или лия вастса кадомс апак вельхтяк ярхцамбяль, сонь нолдасазь тевс аф пара вийхне. Шапама капстать или кеднек модамарьть кадомац аф стама пелькс.
*Тяда ушеткшне ярхцама калда пряста. Тя кошарттядязь тиемс кодамовок кальдяв тев.

Кда начксть пильгс щаматне
Кда начксть пильгс щаматне, косьфтамс синь ули кода аф фкя лацонь способса. Начка туфлятне или ботинкатне косьфнемат колодкань или специальнай сушилка лангса. Стане жа кямотнень потмос можна тонгомс газета, кона лац шокшсы летькть.
Аф кондясти косьфнемс пильгс щаматнень  (тяконь лувксса и шабаннетнень) толть ваксса, пянаклангса или отоплениянь батареять лангса. Оцю температурать эзда материалхне, конатнень эзда тифт пильгс щаматне, полафнесазь формаснон, кедсь валомне юмафтсы кемошинц, а сюретне, конат кемокснесазь детальхнень, срадондыхть.
Кода тиемс пильгс щаматнень аф начкикс
Штоба ванфтомс кедень обувть, сявость мяльс вов мезть.
*Боранонь куяста (50 пяльксть) и иляназонь вайста (50 пяльксть) аноклаф шоряфксть эждемс ёмла тол лангса, а сяльде, валхтомок толть лангста, каямс шоряфксти скипидар (1 пялькс). Получаф мазьса вадендемс коське пильгс щаматнень. Коськомда меле стафкснень вадендьсазь нинге весть. Иляназонь ваень и куянь шоряфксти ули кода каямс 5 пялькст шуфтонь вай и 5 пялькст шта. Тя шоряфкссь вадендема цють эжтьфста.
 
Пеетькс пакшкат
—Получайне фотографиятнень, спасиба. А тон—мазыят! А кие ся аф цебярь, пальце шамась, кона ащи эздот кержи ширеса?
—Кержи ширеса—тя мон.
 
Корхнихть кафта од аванят:
—Мялезон тушендсь норкань фкя орсь 160000 цалковайда. Мирдезе аноколь ни мимс машинать, штоба сонь рамамс.
—Удалась тейть мирдть мархта!
—Удалась?! Так сон ёразе мимс монь машиназень.

Шобдава рьвясь корхтай мирденцты:
—Тячи веть няень стама он, мянь пряшяярне стясть.
—Ну, азонтк.
—Монь кядьсоноль миллион доллар, а перьфпяльге ашель фкявок лавка.
 
Рьвясь мирденцты:
—Тейне-арам, мон кода ава ёфси тейть аф эряван.
—Тон месть лавгат?! На вов, гладендак панарозень и ярхцамс аноклак.
 
Секретаршась сувась начальникть кабинетс:
—Иван Иванович, фкя сотрудниконтень ули мялец корхтамс мархтонт зарплатань касфтомать колга.
—Азк, што мон тяса ашан.
—Аш кода тянь тиемс, тя ломанць пяк лац содасы, што тон кабинетсат.
—Кие ина сон?
—Тя мон, Иван Иванович!
 
Рьвясь—мирдти:
—Кочкак: или мон, или пивась!
—А мзяра пивада?
 

11.04.2019 №14
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин