Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

КОРХТАМАСЬ МОЛЬФТЕВСЬ НАЦИОНАЛЬНАЙ ПРОЕКТТНЕНЬ ЭРЯФС ЁТАФТОМАСНОН КОЛГА

Республикань Оцюнясь отмечазе, што нацпроекттнень эряфс ётафтомаса работась мольфтеви практикаса: сембе направлениятнень коряс тифт профильнай федеральнай ведомстватнень мархта марстонь работань соглашеният, ванфт нацпроекттнень  параметрасна и целевой индикаторхне. Тяконди, Владимир Волков китькстазе, што Россиянь Правительствась кармай кирдема региоттнень мархта тя работать рамкаса сембе пингонь соткст.

 

«Федеральнай центрать ширенц кирдеманц вельде минь улихть возможностеньке, штоба тиемс республикать социально-экономическяйста виияфтомаса курокстонь инголи молема, но тя веши управленческяй вийхнень ширде пяк оцю старандама»,—мярьгсь Мордовиянь Оцюнясь.

 

Лятфтасаськ, етай недялять Владимир Волков примась участия «Национальные проекты—этап «Реализация» форумса, кона етась Подмосковьяса РФ-нь Правительствать Председателенц руководстванц ала. Форумсь ульсь пуроптф региоттненди лезксонь максомать коряс кизефкснень решандаманкса, конатненди ули кода эвондамс национальнай проекттнень эряфс етафтомань рамкаса.

 

Мордовиясь примай участия 56 федеральнай проектса, конат ащихть национальнайхненди пяльксокс. Кота кизоста синь эряфс етафтоманкса республикась получай 58 миллиард цалковай.

 


18.04.2019 №15
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин