Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

КАТК ФАЛУ КАЙГИ РОДНОЙ ВАЛСЬ

Пуромксса примасть участия Государственнай и муниципальнай властень, высшай учебнай организациянь,     СМИ-нь представительхть, мокшень и эрзянь кялень тонафтыхть, идень садонь воспитательхть. Тясотольхть   МР-нь Государственнай Собраниять Председателенц заместителец И.М.Москаев, Мордовиянь культурань, национальнай политикань и архивнай тевонь министрть васенце заместителец А.И.Карьгин, республикань образованиянь министрть заместителец И.К.Дугушкин. Вятезе «круглай шрать» Мордовскяй (мокшень и эрзянь) народть Межрегиональнай общественнай организациянц председателец Ю.А.Мишанин.

 

Пуромксть панжемста Юрий Александрович азозень ся событиятнень, конат арасть туфталкс «круглай шрать» етафтоманцты. Васендакиге, ООН-ть мархта 2019 кизоть коренной нароттнень кяльснон кизокс лемдеманц. Аф кунара Ханты-Мансийскяйса етась тянди лемтьф оцю ила. Омбоцесь. Родной кяльхнень ванфтомаснон мархта сотф кизефксненди башка мяль шарфтсь МР-нь Оцюнясь В.Д.Волков Государственнай Собранияти эрь кизонь Посланиясонза. Республикань лидерсь лемдезе родной кяльхнень ванфтомаснон фкя инь васенце государственнай задачакс. Колмоце туфталкс, Ю.А.Мишанинонь валонзон коряс, арась тяддень сёксеня Саранскяйса Мокшэрзянь народть VII Всероссийскяй съездонц етафтомац.

 

Кода китькстазе эсь приветственнай валсонза И.М.Москаев, «круглай шрас» пуромсть сят, кит седикс-ваймокс пичедихть эсь тядянь-алянь кяльснон ванфтоманкса. Стане жа Иван Михайлович азозе, што республикасонк мокшэрзянь кяльхнень ванфтоманкса тиендеви аф кржа и тя работась сяда тов виияфнема.

 

Сяда тов кулхцонтфоль      М.Е.Евсевьевонь лемса    МГПИ-нь родной кялень и литературань кафедрань профессорть Л.П.Водясовать докладоц, коса сон пачфтсь вузса мокшень и эрзянь кяльхнень тонафнемаснон колга. Пачфтьфоль, што МГПИ-са тя фкя и сяка предметсь, кона вятеви сембе факультеттнень эса.

 

Саранск ошень  школатнень и идень саттнень эса мокшэрзянь кяльхнень тонафнемаснон колга азондсь Саранск ошень Администрациянь образованиянь Управлениянь отделонь вятись М.М.Вельмякина. Мария Михайловна китькстазе, што Саранск ошень образованиянь системаса башка мяль шарфневи мокшэрзянь народть кяленц, культуранц, историянц тонафнемаснонды и ванфнемаснонды. Мокшень и эрзянь кяльхне тяниень пингть тонафневихть ошень сембе школатнень эса. Идень саттнень и школатнень эса панчфт национальнай культурань уженят, краеведческяй музейхть, етафневихть родной кялень месячникт, кружокт-месть.

 

Пуромксть пингста кепотьфоль аф кржа оржа кизефкс. Тяфта, ламоль пичедезь корхтамада мокшень и эрзянь школатнень  колга. Тяда башка, кепотьфоль  кизефкссь сянь коряс, мес кой-кона школатнень эса мокшень и эрзянь кялень урокнень пингста шабатненди аф путневихть оценкат.

 

Стане жа «круглай шрать» пингста корхтафоль мокшэрзянь культурать, кяльхнень ванфтомаса музейхнень, национальнай театратнень, велень культурань куттнень, национальнай газетатнень и журналхнень путксснон колга.

 

О.Евдокимова.

 


18.04.2019 №15
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин