Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

Мордовия Республикань Оцюнять В.Д.Волковонь Тундань и трудонь праздникть мархта поздравленияц

Республикань кельгома эряйхть! Седи ваксста поздравляндатядязь тинь Тундань и Трудонь праздникть мархта!
1 маень праздниксь няфнесы эсь мархтонза поколениятнень оцю опытснон, конат путсть оцюдонга оцю путкс минь Родинаньконь виияфтоманцты. Тячи социально-экономическяй виияфтомаса Мордовиять эрь аськолксоц, минь марстонь эрь сатфксоньке обеспечендави сядот тёжятть ломанень виень и эсь прянь аф ужяльдемань трудса.
Ня шитнень минь азонттама благодарностень валхт трудонь ветераттненди, конатнень ответственностень марямасна, трудонь кельгомасна и козя опытсна кармай фалу ащема кепотьксокс од поколениятненди, формировандама ломанень и деловой качестватнень.
Инь пара коень мольфтемакс лувондови Трудонь Ломаттнень чествовандамасна, трудовой пялькстомаса итогонь тиемась, профессиональнай маштомошиса пялькстомась. Тя уважениянь максома государствать ширде эсь гражданонзонды, конат эсь кядьсост тиендьсазь минь странаньконь и минь республиканьконь благополучиянц.
Мялезе башка азомс—минь надиятама и верондатама Россиянь Президентть В.В.Путинонь личнай и питнидонга питни ширень кирдеманц лангс! Тейнек пяк эряви Президентть тяфтама доверияц, и минь тисаськ семботь, штоба сонь пяшкодемс.
Национальнай проекттнень пяшкодемасна, тяниень пингонь производственнай комплекснень нолямасна, одтонга од технологиятнень эряфс ётафнемасна, трудть производительностенц касфтомац и тя основаса ломаттнень благосостоянияснон касфтомац ащи тейнек важнайдонга важнай ориентиркс, конатнень минь карматама ётафнема эряфс федеральнай центрать лезксонц вельде.
Кельгома ялгат! Катк тинь трудонте кармай пяшкотьф творчестваса и созиданиянь кенярдемаса, конатнень результатсна кармайхть минь марстонь гордостень предметокс! Седи ваксста арьсян теенть и тинь мала ломанентенди шумбраши, благополучия, паваз, мир и добрайши.
Мордовия Республикань
Оцюнясь В.Д.ВОЛКОВ.

30.04.2019 №17
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин