Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Тема дня

Владимир Сушков ульсь Кочкуровскяй районца

24 апрельста Мордовиянь Правительствать Председателец Владимир Сушков ульсь рабочай поездка мархта Кочкуровскяй районца, коса ванозень «Агрофирма «Норов» ООО-нь хозяйстваса тундань паксянь тефнень мольфтемаснон. Тячи агрофирмась лувондови бюджетонь тии инь оцю предприятиякс Кочкуровскяй районца: тяса тиф  500-ть малава рабочай васта.
—Аграрийхне аделазь ни яровой серонь культуратнень видемаснон. Очередьса—тишетне, тяфта жа эряви одукс видемс 1200 гектар лангса озимойхнень, конат тядде прендасть. Предприятиясь марнек обеспечендаф удобренияса и эсь пингстонза видемать аделаманц инкса ГСМ-са,—отмечазе «Агрофирма «Норов» компаниянь группать правлениянц председателец Александр Поздняков.
Владимир Сушков корхнесь механизаторхнень мархта, кизефнезе, кода ащи тевсь хозяйстваса, зарплатать и эряма вастса обеспечендамать мархта. Агрохолдингонь сотрудникне азондозь, што тяни зарплатась  35 тежянь и сяда лама цалковай ковти, предприятияса средняй зарплатась—26 тежянь цалковай. Кода отмечазе региональнай Правительствань премьер-министрсь, эряви касфтомс зарплатать республикаса Мордовиянь Оцюнять Владимир Волковонь мархта путф задачать пяшкодеманц коряс.
«Норов» агрофирмаса несколька киза ни ули синцень ипотечнай программасна. Квартиратне макссевихть сотрудникненди авансфтома, 25 кизонь рассрочкас 5 процентонь алу—кизоти.
Владимир Сушков якась Кочкуроваса панчф Национальнай культурань, народнай ремеслань и промыслань од центрати, кона строяф «Устойчивое развитие сельских территорий» федеральнай программать коряс и 47 вастонди шинь стационаронь поликлиническяй отделенияв.
Кочкуровскяй районть оцюнянц Светлана Герасимовать мархта ванондовсть физкультурно-оздоровительнай комплексть и райцентраса мини-футбольнай паксять строямаснон коряс кизефксне.
Семилей велеса Правительствать Председателец ванондозе строяви монументть, кона лемтьф Отечествань аралайхненди. Памятникть эса тии Мордовиянь народнай художниксь Николай Филатов. Работатнень питнесна 8 миллиотт цалковай, барельефсь тиеви «Норов» агрофирмать средстванзон лангс. Монументсь панжеви Великай Отечественнай войнаса Победать 75 кизонц топодеманцты—2020 кизонь 9 майста.

30.04.2019 №17
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин