Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

В Госсобрании РМ

Национальнай проекттнень—эряфс!

Россиянь парламентаризмань шити
23-24 апрельста, Россиянь Парламентаризмань шида инголе, Санкт-Петербургса етасть Российскяй Федерациянь Федеральнай Собраниять видеса РФ-нь законодателень Советть мероприятиянза. Мордовиять эзда эсост ульсь Мордовия Республикань Государственнай Собраниять Председателец В.В.Чибиркин. 25 апрельста пресс-конференцияса, кона ётась республикань Государственнай Собранияса, сон азондозень журналисттненди эсь мялензон тя мероприятиятнень колга.
Кода мярьгсь Владимир Чибиркин, 23 апрельста сон ульсь образованиянь и наукань коряс законодателень Советть комиссиянц заседанияса и «Практические рекомендации субъектам Российской Федерации по участию в национальных проектах» семинарса. Синь вятезь РФ-нь Федеральнай Собраниянь Федерациянь Советть Председателец Валентина Матвиенко и РФ-нь Федеральнай Собраниянь Государственнай Думать Председателец Вячеслав Володин.
Кафцьке мероприятиятнень эса парламентарийхне сембе ширде ванозь, кода сяда лац ётафтомс эряфс Россиянь региоттнень эса  «Демография», «Здравоохранение», «Жилье и городская среда», «Цифровая экономика» национальнай проекттнень.
24 апрельста Владимир Чибиркин покодсь законодателень Советть Президиумонц заседанияса, коса ванондовсть государствать задачанза  образованиянь и ипотечнай кредитованиянь сфераса. Тяка шиня ётась законодателень Советть заседанияц. Парламентарийхне эсонза ванондозь, кода странань субъекттнень эса ётафневихть эряфс Российскяй Федерациянь Президентть Посланиянц вешфксонза, кода пяшкотькшневихть региональнай бюджеттне и кодама ролец государственнай аудитть национальнай проекттнень эряфс етафтомаса.
Мекольдень мероприятиякс Санкт-Петербургса арась парламентарийхнень васедемасна Российскяй Федерациянь Президентть Владимир Путинонь мархта. Пингстонза государствать лидероц пачфтезень законодательхненди эсь мялензон парламентаризмать и Россиянь законодательствать виияфтомаснон колга.
Пресс-конференциять песта Владимир Чибиркин макссь ответт       журналисттнень кизефксснон лангс.
В.Нестеров.

30.04.2019 №17
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин