Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЛЯМБЕ И МЯЛЯФТОВИ ИЛА

Мокшэрзянь кяльхнень Всероссийскяй шиснонды
16 апрельста Краснослободскяй межпоселенческяй библиотекаса ётафтфоль ила, кона лемтьфоль мокшэрзянь кяльхнень Всероссийскяй шиснонды. Тяза серьгятьфтольхть райононь сембе школатнень эзда мокшень кялень тонафтыхне и синь тонафнисна, кинь мяльсна содамс мокшень кяльть аф  аньцек грамматиканц, но и маштомс лац-ряц мокшекс  корхтама. И тяфтама идьта сашендсь аф кржа. Тияк азсаськ, ламоц иттне вятезь пряснон аф кода инжихть: састь, озасть шра ваксс и учсть, мезе «инголест путыхть». Ёфси аф тяфта. Синь синць ульсть активнай участникокс тя мероприятияса: мокшекс и рузкс лувсть стихотвореният кяльть колга, тяфта жа кафта кяльса морасть седис токай морот. Эрь выступандайть залса ваныхне прважсезь сценать лангста вии кядень цяпамаса.
Илать панжезе библиотекань обслуживаниянь отделть заведующаец Т.М.Шишканова «Масторава» эпосста пакшень лувомаса. А илать вятиенза, тястонь библиотекарьхне С.А. Кудашкина и А.В.Маршанцев,  азондсть тя праздниконь шить колга.
Седис токайста кайгсь «Панжи лайме порась» мокшень морось, конань моразе библиотекарсь В.В.Тултаевась.
Сашендсть тя илати тяфта жа ся ломаттне, кит аф озадонь седихть ваныхть мокшень кяльть, сембе минценнеть лангс. Тяфта, кепотьксонди, лямбе валса корхтась залу пуромфнень инголе Краснослободскяй муниципальнай райононь оцюнять экономическяй кизефкснень коряс заместителец—районнай финансовай управлениять начальникоц А.В.Резяпкин. Сон азсь лямбе валхт сятнень лемс, кит путнихть лама вий мокшень кяльть ванфтоманкса. Сонь ширенц  кирдезе «Слобода» литературнай объединениять вятиец, Россиянь Писателень и Журналистонь союзонь членць В.В.Бирюков.
Сяльде вал сявсь Краснослободскяй медицинскяй колледжса покодись Ольга Владимировна Лёвина.
—Мон рузаван,—мярьгсь сон,—но кельгса мокшэрзянь народть культуранц, сонь кяленц, обуцянзон. Тя кельгомать вельмофтезь ваймосон монь учительне, мирттне-рьвятне, Людмила Петровна и Михаил Васильевич Зимиттне, мзярда тонафнень тястонь художественнай школаса. Синь васенцетне эряфсон няфтезь тейне мордовскяй орнаментть мазышинц, конань тяни ванфтозь-кородозь каннеса седизень ваксса, а художественнай мероприятиянь ётафтомста нолнеса тевс. Вов и тячивок тя илать лемс аноклань прикладной творчествань уженя.
Эсь ширденк азсаськ, Л.П. и М.В.Зимиттне—смузю и картинань сёрмадомаса асу ломатть. А Людмила Петровна сёрмады аф аньцек сельмованфонь салай картинат, но и седис токай стихт. Аф кунара перанц алда лиссь васенце стихонь сборникоц. 
Аш кода аф шнамс Краснослободск ошень медицинскяй колледжень студенткать Марина Аникинать. Сон сяшкава мяльс туфста моразе «Яшкань Марясь» мокшень мороть, што кой-кит кулхцондыхнень эзда цяпазь кядьснон стяда ащезь.
Краснослободск ошень 1№ средняй школань мокшень кялень учительницась Л.П.Салтанкина лувозе тястонь мокшень поэтть Н.Циликинонь «Нюрямонь мора» стихотворениянц. Тяда меле вал максфоль и эстеенза поэтти. Сон нюрьхкяняста азондсь эсь творчестванц колга и лувсь кой-мзяра стих, фкясь эздост сёрматфоль тя илать лемс.
МОРА МОКШЕНЬ  КЯЛЕЗТИ
Тядянь-алянь мокшень
 кяльняй,
Масторть вельфке
нармонькс лийхть,
Вельдет тёждят
азомс мяльне,
Макссят тейне
ёнень вийхть.
Козят тон прокс
шачи сёра,
Эзот цёфксонь
кяльсь юмай.
Тячи монга,—мокшень
цёрась,—
Мора лемозот сюлмань.
Питни ожнакс
валнень кярьксань,—
Менельс морозе
лийкстась,—
Зарясь эшеляй вал эрьхксон,
Ковнясь ару шаманц штась.
Мазы морозе муй васта:
Ладонц коряс
морайхть-кштийхть.
Сон моркш
ваксстонь койть аф гастяй,
 Максы морамс
эрьгя, вийхть.
Морозенди эжихть
седихть,
Мазы панчфсь мянь
сюконяй,
Рузонь ломанть
пилес педи,
 Мархтон морама сяц стяй.
Лии морозе катк локстикс,
 Масторть перьфке
керы ян.  
Ломань ваймос катк
сон токси,—
 Тянкса Шкайти сюконян.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022