Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Ветеранам о ветеранах

Кельгомати кизотне аф шоряйхть

Кода-бди весть рамань газета и  няине лангстонза алять фотографиянц, конань мялецоль содафтомс. Эрясь сон минь ошсонк. Ся пингти колма кизот ни улень удавакс. Тейне аф теждяста макссевсь ськамон улемась, хуш монь колма идне, сембонь семьясна, улихть уноконе. Идне пяк цебярьхть, но синь синцень эряфсна.
Кочкань смелши и сермадонь Александронди: «Мон аф верондан объявленияс коре судьбати». Кучине сермать и юкстань ни колганза. А мзярошка пингта меле Александр гайфтсь, и минь васедеме. Васедеманьке ульсть ялганнекс, тейнек цебярель марса. Пингонь етазь шарьхкодеськ, што фкя-фкафтома эряфоньконь аф шарьхкотькшнесаськ ни. Тейнек няевсь, бта содатама фкя-фкянь лама киза. Эста тейнек ульсь 56 кизонь. Пяле кизода меле Саша азсь мяль рьвяямс, и мон согласиндань.
Ушеткшнесь семейнай эряфоньке скромнайста: сивотькшнеме  квартира, сяс мес ся пингть сон явфоль рьванц мархта, а монь квартирасон эрясть шабане. Но козяшинь мельге ашеме паньце. Ушеткшнеме сире диванцта и шраста. Валом-валом рамсеськ  сембе эрявиксть. Васенце вастсоль тейнек марса улемась, кафоненк заботендамс шабаньконь колга. Марса эздост минь вете.
2008 кизонь 10 октябрьста минь араме мирдекс и рьвакс. Шабаньке пуроптсть свадьба. Кемонь кизот ни марсотама. Эрятама ладязь, фкя-фкянь шарьхкодезь.
Л.Ярмолова.

30.04.2019 №17
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин