Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

Тундань и трудонь праздникс Саранскяйса пуромкшнесь пцтай 5 тёжятть ломань

Эсонза примасть участия МР-нь Государственнай Собраниять Председателец В.В.Чибиркин, республикань Правительствать Председателец В.Ф.Сушков,     МР-ть эзга главнай федеральнай инспекторсь М.С.Сезганов, Саранск ошень мэрсь П.Н.Тултаев.    Марстонь стройса аськолясть профсоюзнай лидерхне, производствань передовикне, трудовой коллективонь, организациянь, политическяй партиянь представительхне. Сембоц шествияс пуромкшнесть пцтай 5 тежятть ломань. «Электровыпрямитель»   ОАО-нь духовой оркестрть мораманц коряс праздничнай колоннась мольсь Советскяй площадть эзга и валгсь   А.С.Пушкинонь лемса культурань и ваймамань парку. Тяса кизонь эстрадаса ётась илати лемтьф митинг-концерт.
Ила мархта мероприятиянь участникнень поздравляндазень Мордовиянь профсоюзонь Федерациять Председателец С.В.Борисов.
—Тундань и Трудонь праздниксь сашенды тейнек тунда, мзярда тялонь удомать эзда сргозькшни перьфпяльсь и пижелготкшни ламос учсеф сянгяря тишенясь. А сяс минь ученттама эздонза цебярь шири полафткст,—мярьгсь сон.—Тяка пингть, минь тинь мархтонт лац содасаськ, што аньцек виень аф ужяльдезь трудендазь ули кода сатомс цебярь эряф. Сембось, мезенкса маряй гордость республиканьке, сатф сонь тёжятть эряензон трудснон вельде. Благодарностень башка валхт эрявихть азомс производствань передовикнень, трудовой пялькстомаса сяськихнень и сембонь сятнень лемс, кит эсь асушиснон и профессионализмаснон мархта вярьгак кандсазь Мордовиять лемонц.
С.В.Борисов стане жа азозень задачатнень, конат тячи ащихть профсоюзнай движениять инголе. Васенцесь синь ётксост—трудендайхнень праваснон араламасна.
Тяда меле паркса няфтьфоль концерт, конань пингста кштисть и морасть республикань артисттне.
1 майста илати лемтьф мероприятият ульсть аф аньцек республиканьконь столицаса, но и муниципальнай райоттнень эса. Сембе вастова ётафтфтольхть аф фкя лацонь акцият, фестивальхть, шествият, митинкт, концертт и народнай гуляният.
О.СЕРГЕЕВА.

13.05.2019 №
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин