Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

В Правительстве РМ

КАЗЬФТ ПРОФЕССИЯС КОРЕ СЕМБОДА ЦЕБЯРЬХНЕ

Кода мярьгсь республиканскяй Правительствань премьер-министрсь, арась пара койкс эрь кизоня Тундань и Трудонь илань карша азонкшнемс спасибамань валхт трудонь ломаттненди, конат эсь прянь аф ужяльдезь трудендайхть шачема масторть панчфокс панжеманкса.
—Сембонь тинь маласькофнетядязь фкясь: оцю мяльсь трудендамс, эсь тевти седикс-ваймокс малаткшнемась, старандамась тиемс семботь, штоба эряфсь Мордовияса аньцек цебярьготкшнель,—мярьгсь В.Ф.Сушков.—Тинь эрь шинь работантень вельде Мордовиясь васьфнесы Васенце маень праздникть цебярь сатфксса.
«Профессияс коре инь цебярсь» конкурсонь сембе участникне казьфтольхть дипломса, а стане жа ярмаконь премияса. Казнень получамда меле «Станкостроитель» ОАО-нь рабочайсь И.А.Серебряков мярьгсь: «Марян гордость, мес минь рабочай кяденьке тячи почётсот!»
Торжественнай мероприятиять пингста стане жа тифтольхть итокт «Российская организация высокой социальной эффективности в 2018 году» всероссийскяй конкурсть региональнай этапонцты. Сяськихненди тяфта жа максфтольхть казнет.
МР-нь Оцюнять Указонц коряс лама киза седикс-ваймокс    работаманкса «Мордовия Республикать инголе заслуганкса» медальса казьфт республикань жилищно-коммунальнай хозяйствань, энергетикань и населениять гражданскяй ширде араламанц коряс министрть заместителец Е.Б.Филиппов и «Мордовиянь авань союзть» председателец Л.П. Ярославкина. Трудонь ветеранти В.Н.Самаровати, кона 40 киза покодсь каменщицакс, максф «Мордовия Республикань Оцюнять премиянц лауреатоц» лемсь.
О.ЕВДОКИМОВА.

13.05.2019 №
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин