Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Тема дня

ЛЯМБЕ ВАСЕДЕМА РЕСПУБЛИКАНЬ КУДСА

Региононь руководительсь пшкядсь залса пуромф ветераттненди оцю благодарностень вал мархта, китькстамок, што  минь республикастонк тежятть боец тисть героическяй подвикт сембе фронттнень эса. «Ветеранда и войнань участникта етксонк лядонды коль сяда кржа, но седисонк синь кармайхть эряма сембе пингть!»—мярьгсь Владимир Волков.

 

Стане жа Мордовиянь Оцюнясь отмечазень Победати оцюдонга оцю путксснон сятнень, конат покодсть тылса, кит кеподезь-эреклафтозь странать войнада меле, арьсесь теест и республикань сембе эряйхненди—Великай Победань наследникненди—мир и благополучие.

 

Тя праздничнай шиня Владимир Волков макссь ветераттненди государственнай казнет.  «Мордовия Республикать виияфтомаса личнай путксонь путоманкса»   Почетнай знакса казьфт Великай Отечественнай войнань участникне и ветераттне Василий Павлович Абудеев, Иван Гаврилович Барнашов, Анна Романовна Иванова, Петр Максимович Исаев, Александр Ефимович Казаков, Григорий Степанович Корнилаев, Аркадий Данилович Пенко, Василий Андреевич Синицын, Александр Павлович Старостин, Михаил Дмитриевич Харьков.

 

Общественнай активнай работанкса и сай пингонь поколениять патриотическяй воспитандамаса оцю путксонь путоманкса азф Мордовия Республикань Оцюнять Благодарностец Екатерина Михайловна Чиглинцевати и Владимир Федорович Барсуковонди—блокаднай Ленинградонь эряйхненди.

 

Владимир Волков республикань сембе эряйхнень лемста лямбоста и седи ваксста азсь спасиба сембе ветераттненди, а праздничнай приемонь участникне казьфнень поздравляндазь кядень цяпамаса.

 

Тя шиня оцю казнеса казьфоль международнай спортивнай аренаса Мордовиять славанц кеподеманкса Бухарест ошса 2019 кизоня ётафтф греко-римскяй бароцямать коряс Европань чемпионатонь сяськись Виталий Кабалоев, теенза максф «Мордовия Республикань Государственнай премиянь лауреат» лемсь.

 


17.05.2019 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин