Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мокшэрзянь народть Всероссийскяй VII съездонцты

—Анастасия Владимировна, кодама форматса Мордовия Республикань А.С.Пушкинонь лемса Национальнай библиотекаса тядде ётафтовсь «Библионочь» акциясь? Мзяра ломань ульсь мероприятияса? И тонць, кодама питне максат тя акциять потенциалонцты книгань лувихнень лувксснон касфтомаса?

 

—«Библионочь» акциять инь оцю целец—вятемс-сувафтомс библиотекав ся ломаттнень, кит тяза сувсихть аф сяшкава сидеста, кода тейнек и теестка эряволь. Сяс «Библионочь» тяддень акцияти, кона ётась библиотекасонк ветецеда ни, минь анокламе козя культурнай программа. Эзонза сувасть шуроста васьфневи и лия книгань, мокшэрзянь национальнай костюмонь выставкат, Рузонь драматическяй и Национальнай театрань актёрхнень, Мордовиянь поэттнень, писательхнень, драматуркнень и лия содаф ломаттнень мархта творческяй васедемат, национальнай ремеслань и промыслань мастерхнень, республикань содаф художникнень мастер-классна и лия эрявикс мероприятиятне, конат, койсон, лядсть ломаттнень ваймоса, кит сашендсть библиотеказонк.

 

«Библионочень» мероприятиятне библиотекасонк тядде ётасть 12 площадкаса, коса синь ванозь 1000-да лама од и эряфкшу ломань. Ётай кизоннеса ульсь 600-та лама. Сяс тячи тейне ули кода азомс: тяддень «Библионочь» мероприятияда мелевок лувиеньконь лувкссна няевиста касы.

 

—Кода содаф, Мордовиянь А.С.Пушкинонь лемса Национальнай библиотекась тяфта жа ульсь площадкакс, коса Саранск ошень эряйхне сёрмадозь «Победань Диктантть».

 

—Конешна, библиотекасонк тейнек тяда инголивок сашендовсь ётафнемс Всероссийскяй уровенень акцият, кодамкс ащи «Победань Диктантсь». Мярьктяма, тяда инголе минь лувиеньке сёрматкшнесть «Тотальнай диктант», «Географическяй диктант». Сяс минь ули сатомшка оцю опытоньке, кона нолдавсь тевс «Победань Диктантть» анокламста и ётафтомста.

 

И эряви азомс: лувиеньке оцю мяль вельде сашендсть   Всероссийскяй тя акцияти. Пцтай 200 ломань 7 майста библиотекасонк сёрмадозь Великай Победати лемтьф диктантть. Кеняртьфтемазь нинге ся, што диктантонь сёрмадыхнень ёткса ульсь лама од ломаньда, кит, мярьктяма, тонафнихть вузса, техникумса, работайхть заводса, строительнай отрасляса, бизнес структураса. Но сембонь синь вятезень диктантонь сёрмадома фкя-сяка мяльсь: конашкава цебярьста мон содаса эсь Отечествазень историянц?

 

Сяс тейне ули кода азомс: кда тячи тя пингонь од ломаттнень ваймосна уски эсост эсь странаснон историянц сяда крхкаста содаманцты, Россиять ванды кармайхть вятемонза эсь родинань содай и кельги ломатть! И синь тисазь странаньконь нинге сяда виикс и кемокс!

 

—Кода содаф, Анастасия Владимировна, А.С. Пушкинонь лемса Национальнай библиотекась тяниень пингонь книгань фондонзон коряс—инь козясь республикань лия библиотекатнень ёткса. Кода теенть удалси эрь  мезне синь пяшкотькшнемс?

 

—Конешна, тяниень пингть книгань фонттнень пяшкодемасна—тевсь аф сяшкава тёждя. Но тяка пингть, эряви азомс: книгатнень лувкссна, конат ванфневихть библиотеканьконь фондса, пачкотькшни 1000000 экземплярс. Ётксост—миронь, Россиянь, Мордовиянь и финно-угорскяй лия литературань классикнень и тя пингонь писательхнень и поэттнень произведениясна. Фондсонк тяфта жа улихть Россиянь и Мордовиянь инь содаф журналхне и газетатне.

 

Библиотеканьконь фондонза эрьгавста пяшкотькшневихть государствать, инвесторхнень лезксснон и эсь доходоньконь вельде. Эрь кизоня од книгань рамамста А.С.Пушкинонь лемса Национальнай библиотекась карьхцси пцтай 2000000 цалковай. Тяфта жа эсь од книгаснон библиотекати сидеста казендьсазь Мордовиянь и Россиянь лия региононь писательхне и поэттне. И, тяда башка, фондоньке пяшкотькшневихть обязательнай экземплярхнень вельде, конатнень тейнек кучсесазь Мордовиянь издательстватне.

 

Тяса нинге ули мялезе пшкядемс «Мокшень правдать» вельде мокшень и эрзянь писательхненди, конат работайхть и нолясазь эсь книгаснон Россиянь лия региоттнень эса. Ялгат, кда ули мяленте сяда келиста содафтомс эсь творчествантень мархта мокшэрзянь и лия лувихнень, кучсесть од и тяда инголе лисентьф книгантень библиотеказонк. Тяса синь, мокшэрзянь лия писательхнень и поэттнень книгаснон лаца, кармайхть ащема инь няевикс вастса. А интернетонь ресурснень вельде, конат тячи келиста нолявихть тевс библиотекасонк, синь лувсазь сембе мокшэрзятне, аф ваномок сянь лангс, коса синь эряйхть.

 

—Тяниень пингть, Анастасия Владимировна, кода латцевихть библиотекать сотксонза Россиянь лия финно-угорскяй региононь и омба масторонь Национальнай библиотекатнень мархта?

 

—Минь библиотекасонк ули Финно-угорскяй литературань центра. Сон мольфтьсыне тевонзон 1991 кизоста сявомок. Сяс тейне тячи ули кода азомс: Россиянь и омба масторонь финно-угорскяй народонь Национальнай библиотекатнень мархта, кода и тяда инголе, библиотеканьконь сембе ширень сотксонза кемот и вииякшнихть сяда тов.

 

Мярьктяма, финно-угорскяй лия библиотекатне кучсихть тейнек книгат, конат сёрматфт тя или тона финно-угорскяй народонь кяльса, коса азондови мокшэрзянь народть и Мордовиять колга. Минь эсь ширденк тяфта жа кучсетяма теест эрявикс литература, конань вешендьсазь синь лувисна. Тяфта жа сидеста минь  макссетяма фкя-фкянди методическяй лезкс.

 

Тяда башка, минь сотрудниконьке сидеста якайхть Россиянь ся региоттненди, коса компактнайста эряйхть мокшэрзят. Ётафнихть мархтост творческяй васедемат, конатнень пингста азондыхть теест Мордовиять, сонь культуранц и литературанц  сатфксснон квалма, няфнихть-панчсихть од книгань выставкат.

 

И, конешна, библиотекатнень ёткса сембе ширдень сотксонь кемокстамаса минь тяниень пингть келиста нолясаськ тевс интернетть. Сидеста етафнетяма межрегиональнай видеоконференцият и лия эрявикс мероприятият, конат няевиста лездыхть сембе библиотекатненди ламода сяда цебярьста вятемс марстонь тевть.

 

—Мокшэрзянь народть Всероссийскяй VII съездонь делегаттненди и инжихненди миньцонк аноклави козя культурнай программа.

 

—Конешна, Мордовиянь А.С.Пушкинонь лемса Национальнай библиотекась кармай покодема тя Всероссийскяй форумса, конань значенияц питнидонга питни финно-угорскяй сембе мирти. И, койсон, аф аньцек теенза.

 

Сяс съездонь делегаттненди и инжихненди, а тяфта жа сембе лувиеньконди тяддень октябрьста, мзярда арьсеви ётафтомс съездсь, минь аноклатама и няфттяма мокшэрзянь литературань, национальнай щамбялень-мезень, промыслань-ремеслань выставкат, ётафттама теест творческяй васедемат мокшэрзянь содаф поэттнень, писательхнень, артисттнень и национальнай творческяй коллектифнень мархта.

 

Надиян, ся ломаттне, конат съездть ётафтомда инголе, пингстонза и етафтомдонза меле сайхть ня мероприятиятнень ванома, арайхть библиотеканьконди од лувикс!

 

—Удалаза, Анастасия Владимировна, сембе арьсефонте.

 

—Сюкпря пара валонкса и мяленкса. Карматама работама.

 

В.Нестеров.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022