Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Письма из села

Лувись—газетась—лувись

Сембе мокшень кялень кельгихть. А оттненди сон лезды школаса тонафнемаса, покодемаса.

 

Мзярда васенцеда повсь кудозонк «Мокшень правдась», тянь нльне афи лятфтаса. Но кунара, пяк кунара. И фалу газетать учеськ, кельгоськ, пара мяльса морафнеськ. Эрь пингть улихть сонцень цебяренза, сонцень сталмонза, прябаланза. Газетась фалу азонкшнесь колгаст, шири ашезь лядонда. А тяниень пингть афолине и сода месендемс, кда афоль уле мокшень кяльса мархтон корхтай пара ялгазе. Тя тялоть оцюшканц ётафтыне Зубово-Полянскяй районца. Лажаткшнень эсь кудозон, шачема-касома велезон. Панчса «Мокшень правдать» и бта кудсан. Школаса нокайхть панжемс музей. Хозяйстваса аноклайхть видемати. Кие-бди отмечазе эсь юбилеенц. Содасайне мокшень газетаста сембе кулятнень. Лувсайне пеетькс пакшкятнень, пара советтнень-меснень и кеподи мялезе. Монцьке касфтонь кафкса итть, лама уноктон, уноконь идьтон. Эрян ськамон, но кудозе вестевок шава аф уленди. Варжамон сашендыхть сидеста. Улихть и вакссон, фкя велеса эряй идне.

 

«Мокшень правдафтома» мон, конешна, аф лядан. Аф мон улян, кда аф сёрматфтса сяда товга. Максседа сяда лама сиде моронят. Минь велеса, сембодонга пяк сире ломаттне, кельгсаськ синь. Пяк кельгсаськ пеетькснень и пеетькс пакшкятнень. Синьфтомост газетаське аф газета. Сяда лама сёрмадода велень эряфть, тястонь стакатнень-сталмотнень колга. Синь эздостка лама.  От-тненди аш коса покодемс. Кадондсазь семьяснон, тушендыхть ошу покодема. Тянь мархта мирендакшнемс аш кода.

 

Л.МУРЗАЙКИНА,

 

Атюрьевскяй райононь Курташка велень эряй, трудонь ветеран.

 


СЯДА ЛАМА СЁРМАДОДА ВЕЛЕТЬ КОЛГА
17.05.2019 №
 
 
 

 
НОВОСТИ
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин