Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

АПК

КИЕ ТИЕНДИ ЗИЯН САЙ ПИНГОНЬ УРОЖАЙТИ

Панчфкятнень тиевомста унжась вачеда аф ащекшни. Сон ярхцси путькта, лопада… Сяс васенцеда касыкссь пркшама панжемда инголе. Тевс нолдасть Фуфанон препаратть (2 миллилитрат 10 литрат ведти) или Актелликть (2 миллилитрат 2 литрат ведти). Панжемда меле тиема обработка Конфидорса (2 граммат 10 литрат ведти).

 

Мекольдень кизотнень саттнень эса эвондась нинге фкя вредитель—бронзовкась или Оленкась. Мзярс шуфтонятне аф панжихть, унжать аф няйсасть. Но аньцек эвондайхть васенце панчфкятне, бронзовкась лангсост ни. Сон сивондьсыне панчфкятнень и синь пяярихть.

 

Тялоть Оленкась етафнесы модать потмоса, сяс шуфтонятнень маласта модась шувондома кода сёксенда, стане и тунда. Тя лезды ламода кирьфтамс унжатнень    лувксснон. Веть бронзовкась кяшенди кельмоть эзда модать потмос, сяс машфтомс сонь ули кода, сувафтомок касыкснень маласта модати Базудин или Землин. Препараттне сувафтомат модати 3-5 сантиметрань крхкалмоса.

 

Бронзовкать машфтоманкса пери можна путомс ведь мархта очкт.  Унжась кельгсы валда сенем тюсть—ламошкасна ваяйхть ведти. Стане жа бронзовкать кочксесазь,  шукадемок сонь шуфттнень пряста алу ацаф пленкать лангс, меле «урожайть» кайсесазь салу ведьс. Тиендемс тянь эряви рана шобдава, мзярс кельме и унжатне аф лиендихть.

 

Эряви азомс и Калипсо немецкяй препаратть колга. Сонь ули кода нолнемс тевс шуфттнень панжемстовок. Мешненди и лия опылительхненди зиян сон аф канни.

 

Сяськомс Оленкать аф теждя, сяс мес панжемста сон оцю лувксса сашенды паксятнень ширде, а меле мртци меки. Кда фермерсь аф тиенди обработка паксянзонды бронзовкать эзда, эста маластонь саттне пяшкодихть тяфтама вредительда.

 


17.05.2019 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин