Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ПЧКАФТЫ СЁРМА

Миколь эрясь пяк ашуста. Финц понксонзольхть, сятка панксуфтольхть. Пяк мялецоль тумс ошу. Аньцек коста сявомат титихне-митихне. Анна козяняль, ярмаконянза ульсть. Миколь сяшкава солафтозе седиенц, што од рьвясь наряжазе, прважазе ошу бта васта вешема. А муян, кле, васта, сяфте тоньге. Тяфтама мазыти подиумга эряви якамс, аф Орта велеса наземса шорсемс. Штазень Аннать пилензон так штазень. Кадозе кяпе и тусь оцю ошу эряма. Ламос ашель куляц. Весть кода-бди кучсесь сазоронцты сёрма. Кода, шта, кле, тоса эряй кельгомнязе. Аш ярмаконяц. Эряма васта макссть, а  наряжамс аш мезьса.

 

Тяфта ськамонза Парши Аннась и ётафтозе эсь веконц, мяляфтозе аньцек эсь прянц да очконя пеконц.

 

Орта велеса кивок ашезе кельге оржа и лапамашка кяленц инкса. Цебярьста эряйхнень лангс каясь сельме, нолясь аф пара кулят, рьвятнень лангс мутендась    мирттненди, авосьненди. Мутендамдонза меле юмсесь ломаттнень кудса ладямась, сетьмошись. Мзяра сюдома эсонза сюдость, мзяра кальдяв вал лемозонза азсть.

 

Орта велева етась куля, Парши Аннась васта лангса, кулома срхкась.

 

—Парши Аннась нинге тняра эряй,—корхтась шабравац Анужень Марясь.—Тяфта седи калафты, пря ужяльтьфти, ваннефти.

 

—Аньцек кинь кядьста прянц ужяльтьфтьсы, велеса аш фкявок ладяй ялгац.  Миколень сазороц, Олгонь Дарясь, весть аф весть сувси пялонза, сяньге лихтезе ваймонц ойкснеманзон-вайкснеманзон мархта,—корхтайхть велень аватне.—Миколь пчкясь эряволь. Кургстонзовок аф кадондсы, хуш сёрманя, корхтай, кучель, азолезе, мусь-аш васта, мзярда сявсамань мархтонза эряма.

 

—Хэ-хэ-хэ,—аватне.—Сонць кулома срхкась, а Миколь эряволь, ошу эряма молель.

 

—Мярьгонь вдь седи калафты,—ашезь сетьме Анужень Марясь.—Содамс эряви Парши Аннась. Миколенди лажадсь, тертьфтьсы Дарять кядьста.

 

—А Миколь эряскодсь. Кда эряволь Анна, тнярс сядоксть ни саль.

 

Аватне корхнесть, а минь Витька ялгазень мархта путоськ прязонк. Эряви ужяльдемс Аннакась, петемс мяленц кулома карша. Озафтама, арьсекшнетяма. И вдь арьсефтевсь шабань ёньцонк.

 

Суваме Аннакать пяли. Сон видекс васта лангсоль. Дарякась аньцек кенерсь лисемс, ату каяфтолезе кеденьконь.

 

Аннакась абондсь, ванць лангозонк корожень сельмоса.

 

—Теенть мезе, цёранят?

 

—Серма макссь почтань каннись.

 

—Кодама сёрма?

 

—Тейть, Миколь патять эзда.

 

—Учевсь куляц, пачкодсь валоц Миколеньге. Панжесть вишконяста, лувость, мезе тяшти Миколезе.

 

—А эстейть аф морафтови, што  ли?

 

—Кда морафтоволь, тинь афоледязь воденда.

 

Мон панжине сермать. Витька ялгазе вакссон.

 

Ушедонь лувома:

 

«Шумбрат, Анна, кельгомазе, лажадомазе, седиень петема вастозе. Фалу мяльсонат, седисонат, кодавок аф лисят прястон».

 

Парши Анна ушедсь урокодома:

 

—Эх, Миколь, Миколь… Тянемс прясотан, седисотан. Мес ина тнярс куля ашеть пачфне? Мзярда инксон саят, мархтот ошу сявсамак?

 

—Аннакай, кда кармат авардема, тонць лувк сермацень, а минь Витькань мархта тутама.

 

—Аф авардян, лувость сяда тов. Монць букватненьге аф содасайне, фкявок ши школав ашень яка.

 

—Ну кулхцонтт:

 

«Маряйхтень пяк сярядят и кольсь седиезе».

 

—Ой…ой… Кулезе, што сярядян. Тя Даря пачфтезе. А аф сай варжамон? Мезевок аф тяшти?

 

«Лиезь лиелень, уезь уелень. Ну тонць содасак, ошса эряфсь стака, кис эрявихть ярмакт. А монь зепсон аш трешниковок».

 

—Эх, Миколь, Миколь, ашеть топафтов ярмакта. Варжамонга аф саят. Аш тяни моньге ярмаконяне, сембе лекарстванди туйхть. Мезе сяда тов тяшти?

 

«Погодась тяса цебярь, лямбе. А тинь тоса кодама погоданте?»

 

—Ах, инекуень сельме! Мон кулома срхкань, а сон погодать колга. Мон ушеть шаманцка аф няендьса: кати лямбе, кати кельме. Мусь мезе кядьстон кизефтемс. А ава ялгац ули? Аф тяшти мезевок?

 

—Мезец? Мезец?

 

—Эряй ялгац. Мокшекс вдь корхтан, аф шарьхкодьсамасть, што ли?

 

—Да шарьхкоттядязь. Аф, аф тяшти тянь колга мезевок.

 

—Нинге мезе сёрмады Миколезе?

 

—Тянь лангс серманц аделазе. Келькте, сермады, палате, учте инжикс.

 

—Вай, вай… Вов куля кандоде. Коста ни монць молеван. Катк сонць сай варжамон.

 

—Кода минь теенза пачфтьсаськ?

 

—Спасиба, церанят. Петесть седиезень, кеподесть мялезень. Тердесте, пожалняста, Дарякать, корхтамазе ули.

 

—Кодама Даря, пелеме сёрмань лувомста сувай, полафтсыне пиленьконь,—арьсеме эсь пачканк.—Кода ба ворьгодемс тяста.

 

Пингонь етазь ласьксь пялонк Дарякаське. Сельмонза палыхть, курга уженза шовуфт, сельгонза ниле шири лиихть. Парши Аннать обжазь, низелдозь-рахсезь.

 

—Ломанць васта лангса, машни эсь лангозонза,—кодавок ашезь сетьме Олгонь Дарясь.—А синь кодама-бди сёрма кандсть. Аф визькс теенть?!

 

Витька ялгазень мархта кафта кядьса атказаме. Ашелеме Аннакать пяле, кодамовок сёрма ашеме канне. Сиренясь еньда ушедсь лисема, «крышасонза» шурупне меколанкт ушедсть шарома.

 

—Ёраськ бабать мяленц петемс-кеподемс, а няк кода лиссь,—корхтай Витька ялгазе.

 

Мяленц Аннакать видекс кеподеськ. Сон стясь васта лангста, ушедсь якама. И эстокиге сась пялонк серманц инкса.

 

—Кодама сёрма, Аннакай?

 

—Миколезень эзда.

 

—Аш кодамовок сёрма. Витеконь мархта арьсеме кеподемс мяльцень, стяфтомс васта лангста.

 

—Мон тянди аф верондан. Тяфтама сёрма аньцек Миколенди тяштеволь. Сон монь кельгсамань. Сёрманцка аделазе: «Келькте, палате, учте инжикс».

 

Корхтамати шоворсь тядязевок.

 

—Эх, Аннакай, Аннакай. Тейть тонашинь колга арьсемаль. А тон келькте, палате, учте инжикс. Одста ашеть эряв, ворьгодсь, кадонзе ськамот. А тяни тонь эсот учи, кодавок аф учеват. Шабатне шутендасть лангсот, а тон ни лиендема туть, пацятне шачсть.

 

—Тя сёрмась Миколезень эзда. Шабатненди сон афоль арьсев.

 

—Катк тонь лацот ули.

 

Аннакать ингольде Дарякась ашезь кашторда, а тядязти панжезе ваймонц.

 

—Спасиба шабатненди, ату тянемс рязондоль васта лангса. Кие варжалезе?

 

—А што ли видекс, Даря, сярядсь. Прянц кядьстот ваннефтезе. Содаф ни Парши Аннась. Машты прянь ужяльдема. А, пади, сёрмась видекс Миколень эзда, Даря? Шабатненди афоль арьсефтев тяфта.

 

—Миколь альняказе кунара ни кхазе. А синь «келькте, палате, учте инжикс». Кда аф шабатнень сермасна, пади, тнярс и васедельхть. А тяни од стирькс нинге ласьконди.

 

А минь пара мялезонк. Сёрманьке пчкафтозе бабать, макссь од вийхть.

 

Илья Вешкин.

 

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022