Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обратная связь (Газета - Читатель)

Пара ялганьке

Тяни мон пенсионеран. Кельгома газетакс тейне ульсь и ляткшни «Мокшень правдась». А морафнемонза ушедонь нинге шабакс. Серматфнезе сонь алязе,  кафта войнань ветеранць Илья Васильевич Сяткин.
Пяк пара, што «Мокшень правдась» максси лама интереснай материалда монь шачема-касома Атерь велезень, районозень колга. Трудонь кельги, сталмода аф пели, паронь тии ломаттне фалу васенце вастсот. А мзяра оцю, мяляфтови ила етафневи Атюрьевскяй районца. И сембонь колга азонкшни тядянь-алянь кяльса газетаньке. Аф юкснесыне «Мокшень правдась» и       райононь ветераттнень, коса монга примсян активнай участия.
Аш месть корхтамска, мон сёрматфтан «Мокшень правда» и тя кизоть омбоце пяленцтывок. И тернесайне сембе мокшетнень тиемс лацон, мумс ярмаконя тя пяк эрявикс тевонди. Вдь «Мокшень правдась»—минь, мокшетнень, фкя и сяка газетаньке и тейнек эряви  марса колганза заботендамс. Сон эсь кяльсонк корхтай пара ялганьке.
П.Сяткин,
трудонь ветеран, войнань пингонь идь.

24.05.2019 №
 
 
 

 
НОВОСТИ
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин