Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наша усадьба

Переса и садса

Касфттама модамарень козя урожай
Модамарьсь кельгсы ляпе модать. Сяс ляпопнемс и модать лангса кувонять тапаманц эряви ушедомс ни озафтомда 5-7 шида меле. Тя пингста модась озай и ушедыхть лисендема сор тишетне.
Содама сявок, эряви эсь пингстонза копанямс модамарь нетькснень. Кода эрси, тя тиендеви кафксть. Копанямда инголе ряттнень ёткова почеряда аммиачнай селитрань гранулат:
*васенда—мзярда нетьксне касыхть 15-20 сантиметрань сереса;
*омбоцеда—(кафта недяляда меле) почерямс нитрофоскань грануласа или «Сотка картофельная» удобренияса.
Сембе ня тефне тиендемат рана шобдава, мзярс аф пяк пси.
Эряви ли валондомс модамарьть?
Мзярс аф эвондайхть лисьфт, модамарьть аф эряви валондомс—путф модамарьть сонцень эсонза сатомшка ведьта. Но, кда нетькскятне лиссть, валондомс эрявихть.
Ся васттнень эса, коса сидеста улендихть пизепт, модамарьть валондсазь колмоксть: нетькснень лисемдост меле, панчфонь бутононь лисемда меле и панжемда меле. Юг ширеса модамарьть валондсазь кемоньшкаксть. Сезонцта кафксть-колмоксть ляпопнесазь ряттнень ёткснон, аньцек шобдава или сюнера шиста, сяс мес модать ляпопнемац пси шитнень вяти клубнятнень эжемаснонды. Ряттнень ёткснонды, нетьксса тавадомда инголе, ёрямат диаммофоскань гранулат, 30-40 грамма квадратнай метрати и тяда меле шувондома модать каймонь сереса.
Эряви ли «андомс» модамарьть
«Андомс» эряви, солафнемок ведьса суперфосфат и сернокислай калий и валондомок ряднятнень ёткснон лейкаса. А вов мезе аф эряви тиендемс, синнемс модамарень нетькснень или сязендемс панчфнень. Модась тя тефнень тиемста матрави, нетьксне юмафнесазь парганашиснон и урожайсь кири.
Кой-конат лувондсазь, што ряттнень ёткснон 40-50 сантиметрати ёмлалгофтоманкса касы урожайсь. Афкукс сембось ащи лиякс: урожайсь 30-40 процентта кармай сяда ёмла, клубнятне кармайхть сяда мелкайхть, сидеста улендихть сянгярят и лима-сюнот. Меколанкт, ряттнень ёткснон эрявихть касфтомс 90-100 сантиметрати.
Штоба получамс модамарень цебярь урожай, эряви ванфтомс кой-кона правилатнень:
*озафнемс модамарьть, мзярда модась эжсь +8… +9 градусти.
*ванфтомс севооборотть, мрдафнемок модамарьть сяка вастозонза 4-5 кизода меле. Тяфта жа аф эряви озафнемс инезикста, кстыда, перецта, баклажанда, помидорада, физалиста меле.
 
Кадомс васенце плоттнень куярхнень эса или аф
Тяниень пингонь  сорттне и гибриттне содафт пяк курокста кенеремаснон мархта. Ашесть кенере куярхне лисемс модаста, а недяляда меле ни эвондакшихть панчфкат, а мельгаст и завясне. Кадомс васенце завяснень или сязендемс?
Кунардонь проверяф         сорттне ламос аф панжихть или максыхть кельгопанчфт (пустоцвет), кочкамок вийхть цебярь плодонь эвондафтомати. Од гибриттне стане жа аф мутантт и, тиемок пяк рана васенце завяснень, теест ули кода маштомс вийда. Сяс мярьгондян аф надиямс модаста васенце куярнять лангс, а сяземс васенце колма-вете завяснень. А вов мзярда касыкссь кемокстай и эвондайхть лопанза, эста и можна максомс эвондамс васенце куярнятненди.
Но сяземс завяснень—тя аньцек ушеткс. Эряви нинге синь мульчировандамс наземса, компостса или торфса. Кда аш мульча, копанясть касыкснень. Тя аф аньцек аралай юронь наксадомада, но и лезды получамс сяда вии касыкст.
Васенцеда куярхне копанямат колма-ниле афкуксонь лопанятнень эвондамдост меле, омбоцеда—10-15 ши ётазь.
Валондость куярхнень аньцек лямбе, ащеф ведьса. Кельме ведть эзда касыхть аф сянгяря, а сяпи куярнят.
Мзярда куярхне нинге аф панжихть, валондость синь вете-сисем шити весть. Панжемста и куяронь эвондамста—кафксть недяляти.
Куярть пасынканзон сяда пара сязендемс. Лишнайкс лувондовихть васенце кота пазухатнень эса пасынкатне, сяда вяре синь ули кода кадондомс, штоба касфтомс урожайть. Пасынкатнень сязендьсазь саворне, штоба аф гастямс кодоркснень. Тянь тиендьсазь, мзярда бокста побекнень кувалмосна касондыхть 4-6 сантиметрати.
Урожайть касфтоманц инкса башка мяль шарфтода подкормкатненди. Наземсь мезьсовок аф полафтови удобрения. Урожайсь вельденза касы кафксть-колмоксть. Подкормкатнень сувафнесть кафта недяляти весть.
Андрей Лозовой.
 
МЕС ЛАЗОНДОВИХТЬ ПОМИДОРАТНЕ?
Колсеви мяльце, мзярда лама виень путнезь касфтф помидоратне фкя шиста лопиихть и арсихть аф мялень шарфтыкс. Фкя тевсь, кда томаттне касфтовихть эстейть, и ёфси лия, кда помидоратнень арьсекшневсь мимс.
Помидоратнень лопиемаснонды туфталкс арси:
*шиньгучкать вельф эжемасна, а веть фкя пингста кельмомасна;
*касыкснень вельф валомасна, кда тяда инголе синь ламос кирдевсть коськста. Помидоратнень сяда пара валондомс сидеста, но аф ламнянь;
*минеральнай удобренияса подкормкань тиемась, кда тяда инголе помидоратне апак валтольхть;
*сортонь эсь лацоньшись. Инь сидеста лопиихть народнай селекциянь сорттне, тюжя и розовай тюсоннетне.
Кода араламс помидоратнень лопиемать эзда
*Теплицаса форточкатне и кенкшне шиньгучкать кирдемат панжада, а венц лангс пякснемат;
*валондость касыкснень сиденяста, штоба модась вельф афоль коське, пси шитнень помидоратне валондомат колма-ниле шити весть;
*лангак валомась аф ладяй, сяс ванода, штоба модась начколь 50-60 сантиметрань крхкалмос;
*старандада валомс стане, штоба ведсь афоль повонда томаттнень, лопатнень и кодоркснень лангс;
*подкормкань тиемста кирдесть мяльса азф дозировкать;
*вецана подкормкатнень сяда пара сувафнемс рана шобдава или поздна илять, касыксне тяда инголе валомат;
*весть сязезь тяда сязенде кусторкснень эзда колмода лама алуце лопа. И тиендемс тянь сяда пара весть недяляти, аф сяда сидеста.

13.06.2019 №23
 
 
 

 
НОВОСТИ
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин