Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Юмор и сатира

УЦЕЗ СЕДЯФТ

Вальмава Тоня няезе, кода мирдец кандсь копорьсонза кати шочка, кати тага мезе. Кда седяфт—мес мле тяшкава мяндевсь, шалхкоцка цють аф модати токси? Синь вдь тёждят. Кда шочка—ськамонза афоль кандов. «Коста-бди ни уйфтсь—тя тевти сон дока»,—кельгозь арьсесь колганза. Мзярда ни ёфси маладсь, талакодсь: мирденц копорьсонзольхть кафта эчке седяфт. Грохадезе канфонц кудынгольть малас, сонць лякозь и ливосьпарботмоса сувась куду.
—Аноклак кафта сюлекат эсь паньфкя, молян тага кафта кандан,—стакаста ваймонь тарксезь азозе мирдец.
—Ах-ха! Щаскиге!—явфтозень Тоня кафту кядензон и цютькя комась.—Кафта наксада седяфонкса литра! А четверть тага аф эряви?!
—Ёньфтома! Тяни пенгя полянанкса сняра макссихть, а нят вдь седяфт! И молян тага кафта кандан.
—Хуш тага кемонь кантт, пяле панкста лама аф максан!
—Аш эсь прясот, хуш кулхцонтт, мезе лиятне корхтайхть!—и кенкшень цяткофтозь лиссь кудста.
Пингонь ётазь мирдец кандсь тага кафта седяфт.
—Эре, каяк вина, молян кандса аляти, ато исяконнеда меле пряц, кле, цяторды.
—Тинь тоса копордаде ни: шинеце яфоди нинге кенкшть маласта. Сяфть нява сюлека и архт.
—Сюлекать мархта архт тонць, эста, шять, сельгоц прай аф монь, а тонь сельмозт. Эрь седяфсь метрань келеса, а сон—сюлека!.. Кажнайть питнец—кафта!
—Ну и путняфтт тонць, и каннек, хуш колмонь кажнайть инкса!
—Вов сай сонць, и корхтак мархтонза,—кяжиясь мирдсь.
—Катк сай, и корхтан. И тонценьге мархтот ванды лиякс калякондан. Ишь, валыть сельмотнень, а кржа—коста-бди наксада седяфт вятерьфтеть!
—Тонць наксадат, афи корхтават мархтот, сяшкава шиньфтат!—азозе мирдсь, лиссь кудынголи и мадсь котфса перяф кизонди утцема вастти.
«Ва стерва авась! Ниле седяфти сюлека! Кода тяда инголе салаф почфнень инкса кяскавонкса макссь литра шини ведь. И тянивок аш мезенксовок сявсыне алять седяфонзон»,—арьсесь сон васта лангса шарондозь.
...Иляденди ни сась пялост Федяня Сема. Тонять мирдец нинге удось, сяс авась васьфтезе инжить вальмава.
—А коса Толяце?—кизефтезе Сема.
—Афолеть са, тоньге афолихтень сода косат,—модать эзда ванфонь апак кепсек отвечась Тоня.
—А мон учсян, учсян эсонза... Ниле седяфт сявсь кядьстон, литра надияфтсь.
—Сюлека максан, сяда лама аш.
—Ниле... седяфонкса?..— ляпиякшнесь валонзонды Сема.
—Нявот синь, кудынгольть фталот, кда мяльце, меки сявить.
«Толя тяза каннезень, а мон меки карман вятерьфнемост... Ломатть рахсетядязь. Лима-сюна участа хуш пона пакш нефтямс»,—арьсесь сон и мярьгсь:
—Ладна, эре сюлекацень!
Фёдор ПЬЯНЗИН.

13.06.2019 №23
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин