Поиск по сайту: 
 

Архив
 апрель 
 2024 
пн вт ср чт пт сб вс
1234567
891011121314
15161718192021
22232425262728
2930     

 
 

 

Кяшалса ётасть XXVI-це Малькинскяй лувоматне

7 июньцта Атюрьевскяй райононь Кяшал велеса етасть XXVI-це Малькинскяй лувоматне, коса примась участия 200-да лама ломань. Нят школаса тонафнихть, учительхть, Кяшал велень поселенияса эряйхть, поэтть земляконза Саранскяйста, Атерьста, Краснослободскяйста, Зубово-Полянскяй  районцта. Етасть синь интереснайста, мяляфтовиста. А ушедсть  калмалангста, коза содаф поэтть, Кяшалонь цефксть, Великай Отечественнай войнань ветеранть, СССР-нь Писателень союзонь членть А.С.Малькинонь творчестванц кельгиенза кандсть венок, панчфт. Панжезень XXVI-це Малькинскяй лувоматнень Кяшал велень поселениянь оцюнясь В.Ф.Четыркин.
—Аф ваномок мезеньге лангс, тячи тага, Александр Степанович, пуромсть Кяшалонь модать лангс тонь землякне, творчествацень кельгиенза,—мярьгсь Василий Федорович.—И пяк пара, што кизоста кизос ломаньда Кяшалу сашенды сяда лама. Тя корхтай сянь квалма, што поэзияцти кельгомась аф опами, аньцек вихонзакшни. И тя кепси мяль. Пара койсь, кона ушетф 26 кизода инголе, эряй и кармай эряма пяк куватьс.
Педагогическяй трудонь ветеранць, Атерь велень 2№ средняй общеобразовательнай школань рузонь кялень и литературань ингольдень учительсь Н.Н.Трунькина аф весть васьфнесь А.С.Малькинонь мархта Саранскяйса, Кяшалса. Азондсь сянь колга, кодамоль сон ломанць, инжиень примайсь. А конашкава цебярель ялгась. Учительть аляц, Н.П.Чепайкин, и А.С.Малькин цебярь ялгатольхть. Марса етафтозь стака, вача, но пяк интереснай шабакс пингснон.
Седиста моли лама лямбе вал азсь пэтть колга Россиянь Писателень союзонь членць И.П.Вешкин. Школать инголе инжихнень кшиса-салса васьфтезь школаса тонафнихне.
Школань фойеса кочкафоль «Мокшень поэзиять валда тяштец» лем ала выставка. Сонь аноклазь районнай библиотекань сотрудникне. Эзонза сувасть поэтть книганза, колганза серматфне, рисаваф портретонза, скульптурась, конань тиезе Н.Н.Шумкин.
Илань вятись Г.А.Канайкина макссь вал Атюрьевскяй райононь оцюнять заместителенцты А.И.Любушкинонди. Сон нюрьхкяняста лятфтазе А.С.Малькинонь биографиянц, корхтась Малькинскяй лувоматнень колга. Синь ушеткс сявсть 1993 кизоста сявомок. Тядде етафтовихть 26-цеда. А поэтти топодсь 96 киза.
Педагогическяй трудонь ветеранць Н.Н.Трунькина лувозень содаф земляконц стихонзон мокшень и рузонь кяльса. Няфтезень синь козяшиснон, арушиснон. Корхтась сянь колга, што А.Малькинонь поэзиянцты кельгомась пяк оцю. Тянь нинге весть няфтезь Малькинскяй лувоматне. Синь эсост Нина Николаевна примси участия аф васенце кизось.
«Лихтибряня» фольклорнай ансамбльсь, А.М.Балашова, М.Н.Алямкина, В.В.Поршина морасть мокшень морот.
 XXVI-це Малькинскяй лувоматнень эса ламоль цебярь лятфнемада, азфтольхть аф кальдяв мяльхть-арьсемат. Корхтасть Атюрьевскяй районнай Советонь депутатонь оцюнясь И.А.Козяйкин, Кяшал велень поселениянь оцюнясь В.Ф.Четыркин, школань директорсь А.А.Девятаева. Трудонь ветеранць Р.Т.Ломайкин лац содазе поэтть, аф весть васьфнесь мархтонза. Педагогическяй трудонь ветеранць М.Я.Зеленов лятфнезе, кода ялгафтсь алянц, Яков Ивановичень, мархта. Синь марса ушеткшнесть тонафнема Темникавонь педтехникумса, эрясть фкя комнатаса. Яков Ивановиченди ашезь сав аделамс тонафнемац, мрдась Кяшалу. Ялгатне ульсть Великай Отечественнай войнаса, сяськикс и  боевой оцю казне мархта мрдасть войнаста. Яков Иванович куломозонза кирдсь соткст поэтть мархта. Тянь няендезе, тянь колга содась церац Михаил Яковлевич.
Цебярь мяльхть-арьсемат азсь  XXVI-це Малькинскяй лувоматнень эса Атерень идень библиотекань заведующайсь Л.К.Вешкина. Сон аф васенцеда Малькинскяй лувоматнень эса, ульсь ламоксть илань аноклайкс и вятикс. Лац содасы поэтть творчестванц. Тевсь тя пяк эрявикс и сонь вятема сяда тов. 26 кизоста кассь лувиень од поколения. Ня лувоматне тонафтыхть мокшень кялень и мокшэрзянь литературань кельгома. Сембось тиема сянкса, штоба ванфтомс тя койть.
Аф васенце кизось Малькинскяй   лувоматненди  сашендыхть Ельникаста—В.Н.Кашуркин, Зубово-Полянскяй районцта—А.Н.Поршин, С.Ф.Балашов, Атерьста—Ф.Г.Сятишев, Кяшалста—С.В.Кашуркин, Р.Т.Ломайкин. Сембе синь кельгсазь и содасазь эсь землякснон А.С.Малькинонь творчестванц. Синь мяльсна фкя, Александр Степанович—Кяшалть гордостец и прянь шнама вастоц.
Лама шнама вал азфоль илань аноклайхнень лемс. XXVI-це Малькинскяй лувоматне етасть мялень салайста. Аф ваномок, што ульцяса киза, пуромкшнесь лама ломаньда. Тянкса аф кржа вий путсь Атюрьевскяй райононь администрациясь, Кяшал велень поселениянь оцюнясь В.Ф.Четыркин, школань коллективсь, центральнай библиотекась, культурань отделсь.
Илья Вешкин,
Россиянь Писателень союзонь член.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022