Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Удалаза кинте, стирьхть и церат!

Мордовия Республикань Оцюнясь В.Д.Волков казезень
«Тонафнемаса башка сатфксонкса»  медальса 377 выпускникнень
Вержиста, 19 июньцта, Саранскяйса Культурань республиканскяй Дворецса ётась торжественнай оцю пуромкс, конань пингста «Тонафнемаса башка сатфксонкса» медальса казьфтольхть сят, кит тядде шумордазь тонафнемаснон общеобразовательнай организациятнень эса: Мордовияса тяфтама медаль сатсь 377 ломань. Тяда башка, эрсь эздост получась кядьса каннема частт республикань Оцюнять эзда.
Васенцекс сценати поздравляндамань валонь азома и медалень казема тертьфоль Мордовия Республикань Оцюнясь В.Д.Волков.
—Медаленте—тя ламос работамань, школьнай эряфонь, сяськомань и эльбятьксонь, кенярдемань и сельмоведень результат. Тячи тя залу кочкавсть Мордовиянь  инь асу и крхка содамоши мархта школаса тонафнихне. И мон поздравляндатядязь оцю васенце сатфксонтень мархта!  Благодарностень башка валхт сатсть учителенте, педагогонте и тонафтыенте. Синь тисть пяк лама, штоба касоледе енюкс и образованнайкс, честнайкс и порядочнайкс, эсь Родинань кельгикс. Тинь сатфксонте—тя и синь сатфкссна,—мярьгсь Владимир Дмитриевич.
Республикань Оцюнясь шарфтсь мяль сянди, што залу пуромфнень эзда 365 ломанць—Школьникнень Всероссийскяй олимпиадаснон тя или тона этапонзон эса сяськихть и призерхт, а колма ломаттне сатсть Мировой и Международнай олимпиадань казнет.
—Мекольдень кизотнень странань руководствась, Россиянь Президентсь Владимир Владимирович Путин тисть пяк лама площадка, коса теенть ули кода няфтемс содамошинтень и асувонтень. Эряфс етафтови «Россия—страна возможностей!» оцю проект. Кинди, кда аф теенть, тиендемс од технологият, молемс пингть мархта, няфнемс эсь прянтень наукаса и творчестваса, примсемс участия социальнай проекттнень и волонтеронь тефнень эса, полафнемс мирть цебярь шири. Сяс главнайсь, мезти мон тернетядязь—тонафнеда, касфнесть содамошинтень,—азозе В.Д.Волков.
Фкя-фкянь мельге сценати лисендсть «За особые успехи в учении» медалень сатыхне и получсезь тя казнеть республикань Оцюнять кядьста.
Меле синь поздравляндазь и медальхть казендсть Мордовия Республикань Государственнай Собраниять Председателец В.В.Чибиркин, Мордовия Республикань Правительствать Председателец В.Ф.Сушков, Саранск ошень округонь оцюнясь П.Н.Тултаев, сяда тов—тага Мордовия  Республикань Оцюнясь В.Д.Волков.
Выпускникнень лемста валхт азсть Асу иттненди Республиканскяй лицейть шумордаец Марина Козлякова, Саранск ошень 40№ школать шумордаец Роман Граблин, лиятне.
Но тянь мархта пуромкссь ашезь шумордав. Культурань республиканскяй Дворецть сценасонза лятфнембяленди фотографиянь тифтемда меле, медалень сатыхне лиссть ульцяв, коса ульсь дискотека. Сонь етафтозь Саранск ошень содаф музыканттне. Республикань   медалисттне арасть «Твой Ход» Всероссийскяй флешмобонь пяльксокс и поладсть теенза.
Т.Альшина.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022