Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Тема дня

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
Мордовияса  эсонза примась участия 250-да лама ломань. «Диктантть» площадканза ульсть 1941-1945 кк. военнай и трудовой подвигонь Мемориальнай музейса и  А.С.Пушкинонь лемса Национальнай библиотекаса. Марнек жа странава ульсь пуроптф 1373 площадка, а очнай и  заочнай формаса диктантть  тяштезь 150 тежяньда лама ломань!
«Победань Диктантсь» етась странань сембе 85 регионга и 23 омба масторонь государстваса «Историческая  память» партийнай проектть рамкаса. Диктантть сембе заданиянзон  лангс видексонь ответт макссь 5,5 тежянь ломань акциянь 150 тежянь участникнень эзда, конатнень эзда 24 ломанць эзкиге вете минутаста кочкасть инь оцю баллхт. 20 кизефксть Великай Отечественнай войнать историянц коряс участникненди аноклазь «Российскяй историческяй обществань» специалисттне.
Диктантонь участникнень лувксснон коряс васенцексне арасть Краснодарскяй крайсь, Самарскяй областсь, омба масторса—Молдавиясь, Монголиясь и Кыргызстанць. Тяка пингть, сяськида ламоль, лувомок процентса, Чеченскяй Республикаса 32 процент и Мордовия Республикаса—пцтай 20 процент. Мон поздравляндатядязь тинь тя сатфксть мархта и надиян, што сай кизоть—юбилейнайть—«Победань Диктантса» примай участия республикань сяда лама эряй и няфтихть аф сяда кальдяв содамошит.
Сяльде максфтольхть Всероссийскяй историческяй диктантса сяськихненди диплопт: Л.В.Ромашовати—«Средняя школа №37» воспитательнай работать коряс директорть заместителенцты, Саранск ошсь, Н.Н.Зорковати—«НИИ гуманитарных наук при Правительстве Республики Мордовия» историянь отделть старшай научнай сотрудниконцты, И.А.Фирсовати—«Мордовский государственный педагогический институт имени М.Е.Евсевьева» отечественнай и омба масторонь историянь и тонафнемань методикань кафедрань доцентти и лиятненди.

27.06.2019 №25
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин