Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Лувись—лувити

Шпоратнень пчкафнине модамарень нетьксса
Азондса, кода пчкафнине шпоратнень. Тянкса лездсть тейне модамарень нетьксне. Мон путнине синь кочкярянень лангс и сотнине. Штоба аф пяцькамс пильгс щаматнень нетьксонь сокса, ашкоткшнине пильгонень полиэтиленовай пакетса (аф бинтса и аф нуланяса) и яксень мархтост шиньберьф. Тиендень тяфта, мзярс сярятьфсь ашезь етне. Вов ни етасть 5 кизот, и  сярятьфть колга афи  лятфнян. Тялонда, мзярда аш нетькст, ули кода пчкафнемс пря сянгярьготф модамарьса. Шовасть модамарть емла варяня теркань пачк, цютькада пувордасть эздонза сокть и сотнесть тяфта жа, кода нетькснень.
И.Першева.
 
Соргапанчфнень шорсесайне медь мархта
Эрь тунданя аноклакшнян настойка максозень пчкафтоманкса. Соргапанчфнень (одуванчик) нолнесайне мясорубкань пачк. Пяле литра шоряфксти кайсян 2 столовай куцюфт медь и лацкас шорсеса. Пякснеса кядьготь таватксса и кадондса ащема 12 частс, пингонь-пингонь шорсеса. Симондян 3 чайнай куцюнянь сянгяря чай мархта кафксть шити: пяле частта завтракта инголе и пяле частта мадомда инголе. И тяфта недяляньберьф. Сяльде лотксян 7 шис и ушеткшнян  одукс. Тяда меле прязень маряса пяк лац.
Соргапанчфсь аф мярьгондеви нолямс тевс пекурмать, аллергическяй дерматитть, гриппть пингста, а стане жа кинь сярятькшни сяпоц.
И.Гончарова.
 
Кизефкс-ответ
—Фкя сельмозе фалу норхции. Аф ваномок мезеньге лангс, луван, ванан фкя точкас или тяфтак ащан. Мес тя тяфта? И кодама мерат эрявихть примамс?
 Константин М.
—Улема, тя сотф нерватнень мархта. И эряви пшкядемс неврологти. Шять, тя карязбакарть сялдазонь отделса прябалатнень инкса. Туфталкс эрсихть шамаста нерватнень работаснон колавомасна или верть аф лац якамац. Тяфтама случайста, сельмось—тя аньцек фкя вастсь, коса организмась максси сигнал тяфтама прябалатнень колга. Тейть эряви етамс комплекснай диагностика.
 
Кондясти
*Гипертонияда. Сявомс фкя пялькс офтонь марень имошт (боярышник), кафта пялькст путлек (мята) и колма пялькст ногай палакс (пустырник). Сембось мелкайгофтома и шовордама марс. Тя шоряфкста сявомс кафта столовай куцюфт, каямс лангозост 0,5 литра лакай ведь и лакафтомс 10 минутат. Меле кядьготь лацкас ашкодомс и кадомс ащема 30 минутас. Педямс и симондемс стаканть 1/3 пяльксонц колмоксть шити ярхцамда меле.
*Давлениять ладямаса лезды тяфтама вареньясь. Нолдамс мясорубкань пачк фкя столовай куцю шяймарьксонь (клюква) имошт, лангозост каямс фкя столовай куцю медь и путомс несколька  частс холодильнику. Лиси пяк танцти желе. Шяймарькссь козя веществаса, конат одкстоптсазь сосудатнень.
Ярхцседа фисташкада и давлениясь валги
Ученайхне етафтсть исследования, тяряфнемок мумс природнай средстват, конат лездыхть валхтомс артериальнай давлениять.
Содавсь, тя задачать лац пяшкотькшнесазь фисташкатне. Ня пяшттне ладяйхть вер саттненди, лафчепнесазь синь и тянь мархта валхнесазь  давлениять. Штоба цебярьгофтомс прянь марямать, сатомшка сивондемс шити курмозь фисташка, и сяда пара, штоба  тя улель натуральнай продукта—салфтома и таньфонь виияфты веществафтома. Тяда башка, фисташкада ярхцсезь ули кода кирьфтамс верса сахарть и инсулинть лувксонц, персемок кить II типонь диабетти.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022