Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Здоровье

Врачсь азонды

—Дмитрий Иванович, мзярда пейзивольхнень эзда сидеста шуди вер—тя пелькс пейхненди?

 

—Пяк пелькс. Тя корхтай урмать колга, конань лангс миньцонк аф шарфневи сатомшка мяль—лемоц пародонтит. Пейзивольхнень лофтана тюссна, синь таргозихть, эздост шуди вер, но аф сярядихть, сяс мяль тянь лангс аф шарфнема. Тяфта арьсихть пациентоне. Аф весть сашендонь мяльс: синь шумбрашиснонды аф шарфнихть сатомшка мяль, а тя кальдяв тевсь.

 

Сидеста уленди стане, мзярда ломанць фкя ве муцси пеень сярятьфть сюнеда, сяс мес эсь пингстонза апак пчкафттоль кариессь, эстокиге ласьки стоматолокти. А пародонтитсь эвондакшни ламос, вятни кургапотмонь афкуксонь зиянти, но ламонцне нльне аф лувсазь сонь урмакс. Дивандафты, но кой-коста ломаттне пшкятькшнихть враченди фкя, а кой-коста и несколька пеень прамда меле.

 

—Васенда аньцек вер шуди, а меле эстокиге пейсь прай?

 

—Аф эстокиге, вдь тя воспалительно-дистрофическяй кувака процесс, конань пингста эвондакшнихть пейзиволень зепт, коза фалу повонды ярхцамбяльсь. Нинге пингстонза эвондакшни пеень кев. Тяни арьседа, што ня кефне эвондакшнихть аф аньцек пейхнень няеви вастсост, но и пейзивольхнень ала. Пейзивольсь лафчеми, лоткай кемоста пейть кирдемда, и пейсь ляды «крхтапа», меле—ушеды тарома, мезьда меле сонь ули кода тёждяста таргамс. Кургста моли аф цебярь шине. Кда тинь улихть пеень-пейзиволень зепт, синь арайхть инфекциянь эвондамань вастокс.

 

—А пейхненди вийс коре ляткшнемс шумбракс, кариесфтома?

 

—Сидеста тяфта и уленди, нльне, кда пейзивольсь шаштсь сяшкава, што няевихть юрхне. Но аш кариес, конань колга аф содай аньцек нолась, сяс ломаттне аф шарфнихть сатомшка мяль урмати. А вдь пародонтитсь аф шуроста ётни наследствас коре. Мзярс наследствас коре ётни пародонтитсь враченди нинге аф машфтови, но лама пингс лоткафтомс сонь стоматолокненди вийс коре.

 


ПЕЙФТОМА ЛЯДАТ…
04.07.2019 №26
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин