Поиск по сайту: 
 

Архив
 октябрь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Рузаевский район: высокоскоростной интернет в каждую школу

Владимир ВОЛКОВ:

Премьер-министрсь мярьгсь ваномс региоттнень эса национальнай проекттнень эряфс етафтомаснон коряс тефнень, отмечамок, што етась ни лама пингта работать ушетксста и ули кода тиемс кой-кодама итокт. «Ванцаськ, кодама эффективнайста мольфтеви процессь. Кулхцондсаськ минь коллеганьконь—региононь руководительхнень, губернаторхнень: кодама прябаласна улихть, конат, теест-арам, шоряйхть работати и кирнесазь сонь, и кодама вийхть эрявихть, штоба тефне мольфтевольхть сяда вишкста». Заседанияса корхтасть РФ-нь Правительствань профильнай министрхне, кой-кона субъектонь оцюнятне, тяконь лувксса Пермскяй краень, Самарскяй, Псковскяй областень, Камчаткань, Ставропольянь, Чукотскяй автономнай округонь.

Дмитрий Медведев китькстазе, што региоттненди эряви сяда вишкста мольфтемс тефнень кизонь кофнень пингста национальнай проекттнень эряфс етафтомаснон, мзярда ули кода сяда активнайста строямс од объектт и макссь поручения 2020 кизонь финансированиять ладяманкса. «Сембе главнай административнай решениятнень минь тинь мархтонт примаськ, межбюджетнай трансферттнень колга соглашениятне кемокстафт, ярмакне региоттненди, конат тя кизонди нолдафт, пачфтьфт оцюшкасна»,—мярьгсь Премьер-министрсь.

Заседаниять аделавомда меле Мордовиянь Оцюнясь етафтсь совещания кизефкснень коряс, конатнень лангс шарфтсть башка мяль  странань Премьер-министрсь и корхтайхне. Владимир Волков нинге весть лятфтазе, што нацпроектонь сембе мероприятиятне эрявихть пяшкодемс эсь пингстонза, инь пяк тя токсесы нацпроекттнень регионца эряфс етафтомань рамкаса контрактонь кемокстамать, тяконь лувксса колма кизонди.

Мордовия Республикась примай участия основной стратегическяй направлениятнень коряс 56 федеральнай проектса, конатнень эряфс етафтомань рамкаса, региону нолдави федеральнай бюджетста 58 миллиард цалковай, эздост 10 миллиартт цалковайсь 2019 кизоня.


«НАЦПРОЕКТТНЕНЬ ЭРЯФС ЕТАФТОМАСНОН КОРЯС КОНТРАКТТНЕ КЕМОКСНЕМАТ ЭСЬ ПИНГСТОНЗА!»
11.07.2019 №
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин