Поиск по сайту: 
 

Архив
 октябрь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Рузаевский район: высокоскоростной интернет в каждую школу

«ЭРЯМС СТРАНАСА, КОСА АШ УРМАТ И ПИЧЕФКСТ»

Кода мярьгсь А.Н.Проханов, Мордовияв сон сась «В поисках русской мечты» авторскяй цикланцты сюжетонь снимандама. Тя программась няфневи «Россия 24» телеканалса.

 

Визитонц рамкаса А.Н.Проханов ульсь Темниковскяй районца, коса ванозень заповедникть, Санаксарскяй монастырть и лия васттнень, конат сотнефт адмиралть Фёдор Ушаковонь мархта. Тяфта жа сон ульсь Старошайговскяй райононь Новотроицкяй велеса, коса васетькшнесь велень хозяйствань труженикнень мархта, ванозе «Новотроицкое» агрохолдингть животноводческяй ферманц.

 

Тяда башка, сон ванозень «Технопарк-Мордовиять» тяниень пингонь лабораториянзон, васетькшнесь-корхнесь од учёнайхнень мархта, ульсь «Оптик-Энерго», «Биохимик» заводса, «Мир цветов» Кадошкинскяй тепличнай комплексса, С.Д.Эрьзянь лемса Изобразительнай искусствань музейса и сявсь интервью Мордовия Республикань Оцюнять В.Д.Волковонь кядьста.

 

Сембе няйфти и кульфти Мордовия Республикаса А.Н. Проханов макссь оцю и позитивнай оценка. Синь лувкссост—мокшэрзянь кунардонь пингонь моротненди, конатнень моразь рузонь писательти Темниковскяй райононь мокшаватне.

 

«Кодамкс сон няйсы рузонь мечтать?» кизефксть лангс А.А.Проханов мярьгсь: «Эрямс стама странаса, кона тяряфни-ёрай эрямс Менелень Царстваса, коса аш урмат и пичефкст».

 

В.НЕСТЕРОВ.

 


11.07.2019 №27
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин