Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Наша усадьба

Юристсь азонды

Эряви тиемс кагод, конань ули юридическяй виец. Или нинге уленди тяфта. Ломанць тии кодамовок сделка. Сонць покоди, добувай Москуса. Сонь интересонзон араласыне, мярьктяма, брадоц или кодамовок лия ломань. Тя ломанти эряви доверенность. Тяфтак сонь мархтонза кивок аф корхтай. Доверенностсь—тя документ, кона максы полномочият лия ломаттненди араламс тонь интереснень кодама повсь тевонь тиемста разнай  инстанциятнень, конторатнень, суттнень эса. Улендихть доверенностть предпринимательхненди, организациятненди  и простой ломаттненди. Кепотьксонди, предпринимательхненди тиендеви «безотзывной» доверенность. Тя документсь аф лоткафтови снярс, мзярс аф аделави срокоц. Или лоткафтови эста, кда кагодть эса азф лоткафтомань туфталсь. Ломаттненди и организациятненди макссеви «обыкновеннай» доверенность. Сон уленди специальнай и разовай. Специальнайсь макссеви лама пингс фкя лацонь сделкань тиемс. Разовайсь макссеви фкя сделкань тиемс. Сяда тов сонь юридическяй виец юмси. Доверенностть аф ули виец, кда аделави пингоц, кда доверительсь кулось, юмась куляфтома или арась аф дееспособнайкс. Уленди и стане, што доверительсь арась банкротокс и лоткафтозе доверенностенц. Доверенностень коряс работайхне сидеста атказакшнихть эсь полномочияснон эзда. Туфталда лама—лафча шумбрашись, аф сатни пингсь и стак тов.

 

Эряфсь аф ащи фкя вастса. И кда кинди эряви доверенность, сада нотариусти. Нотариуссь сембонь няфтьсы, азсы, лезды тиемс-анокламс тя документть.

 

 

А.Царева,

 

Атюрьевскяй райононь нотариус.

 


МЕЗЕНДИ ЭРЯВИ ДОВЕРЕННОСТСЬ
11.07.2019 №27
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин