Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

СТИХОНЗА ЭЖДИХТЬ ВАЙМЕ

А шачсь-кассь Василий Нестерович Старошайговскяй райононь Краснай Поселкаса. Служась Советскяй Армияса, тонафнесь Мордовскяй госуниверситетса, а сяльде пцтай сембе эряфонц лемдезе школаса шабатнень тонафнемаснонды. Тя пингста эряфонь пара кис водендась сядот цераня и стирня. Сон макссесь теест аф аньцек содамошит, но и тонафтсь эсь мокшень ширеть кельгома, койхнень-обуцятнень ванфтома.

 

Вете кизот ульсь велень Советонь председателькс.

 

В.Н.Родькин нолдась стихонь сборник. Сонь стихонза шачема вастти, родной кяльти-валти кельгомать, природать, велень эряфть колга. Синь серматфт мокшень цебярь кяльса, сембонди лац шарьхкодевихть, эждихть вайме. Сяс кельгсазь и пара мяльса лувондсазь и оцюфне, и иттне.

 

Тячи макссаськ лувихненди В.Н.Родькинонь кафта стихотворениянзон.
 

Корхтайхть уноконе мокшекс

 

Вов ни ётась

 

эряфозень тёкшец.

 

Венцясть стирне,

 

уноконе кассть,

 

Сембе отькорьхть,

 

сембе корхтайхть

 

мокшекс,

 

Лямбе валснон казнекс

 

тейне макссть.

 

 

Пуромихть лияста

 

лефкскя лаца

 

Щятянь паця алу

 

фкяняньбес.

 

Ся шиня кудть

 

сетьмома аф кадсазь,

 

Весялготкшнихть

 

цють аф пялевес.

 

 

А мон озан вальмалу

 

кальть алу,

 

Ванфнян эсост эхянь

 

часовойкс.

 

Вельхкссон тяшттне

 

катонь сельмокс палыхть.

 

И од ковнясь нюрьги

 

запятойкс.

 

 

Эрь, катк ётась

 

эряфозень тёкшец.

 

Но монь сяка прясон

 

валда мяльхть,

 

Кеняртькшнян, мес

 

уноконе мокшет

 

И мес ванфтсазь

 

тядянь мокшень кяльть.

 

Мрдама

 

Панда пряста валгонь,

 

Ваянь мазы лоткс.

 

Прязень марян ялгат,

 

Отькорьста и одкс.

 

Ков тят ван—

 

Перьфпяльге

 

Пижелготкшни вирсь.

 

Сельмозон аф тяльги

 

Цефксонь аймак ширсь.

 

Шачем уженязе,

 

Тядякс келькте най.

 

Вирце толкс крьвязи,

 

Кодак сёксесь сай.

 

Ару, ару лаймось

 

Ацафкя ковёркс.

 

Тяса морай ваймось,

 

Тяса шачи морсь.

 

Молян ляйть трвава,

 

Ведсь кальюрхнень штай.

 

Каршезон кинява

 

Полазе монь сай.

 

Сюконясь мондейне:

 

—Атяньке, шумбрат!

 

Коза вайсеть кевнякс!

 

Коса юргондат!

 

Мярьгонь:

 

—Сей-тов якань,

 

Од кис пувордань.

 

Да, няк, сембе сяка

 

Тага тейть мрдань.

 

 

 

11.07.2019 №27
 
 
 

 
НОВОСТИ

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин