Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Юмор и сатира

ТУСЬ ПАНГОНКСА

—Шумбранят,—мярьгонь,—Микиткинорясь. А сонць кудса?

 

—Аш. Тусь пангонкса,—азозе авась и трубкать путозе.

 

Кода... «тусь пангонкса»? Ушеса январь. Лофне вельхтязь сембе кужетнень-ужетнень, якшамсь цятыи, а Микиткин—пангонкса? Шять, рьвац пици? Кали тяла кучкатьке мушенды... А, пади, кодама-кодама сортоннет касыхть тялондавок  унда потмоса? А, пади, Микиткинонь телефонца автоответчик? Кизефтьсазь, коса, и ся рьванц вайгяльса азсы сембода кельгома вастонц.

 

Ожука нинге кочкаса номеронц...

 

Кочкайне и... абондонь. Трубкать сявозе сонць Микиткин.

 

—Кульхте,—мярьгонь.—Аф кунара рьвяце кизефксозень каршес пшкядсь, бта тон туть пангонкса. Васькафнемань?

 

—Аш. Маргарита виденц азозе.

 

—Виденц? Да вдь тяла.

 

—А мон аф вири-коза якань. И кандонь вага груздят, рыжиктка… бохарямста. Сак каваняте. Салуняда.

 

 


11.07.2019 №27
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин