Поиск по сайту: 
 

Архив
 ноябрь 
 2019 
пн вт ср чт пт сб вс
    123
45678910
11121314151617
18192021222324
252627282930 

 
 

 

Рузаевский район: высокоскоростной интернет в каждую школу

НЯКАНЬ РЕСПУБЛИКАНСКЯЙ ТЕАТРАСА РЕМОНТТЬ ШУМОРДАМА АЗФ ПИНГТИ

Сонь валонзон коряс, депутатскяй контрольть колга решениясь виде и эрявикс. «Задачаньке аф аньцек сянь эса, штоба ваномс кода мольфтевихть тефне, эсь пингстонза—аф ётафневи эряфс арьсефсь, но и сянь эса, штоба лездомс примсемс марстонь решеният исполнительнай властень оргаттнень, общественностть мархта»,—мярьгсь Владимир Викторович.

 

Някань Мордовия Республикань Государственнай театрати капитальнай ремонт тиеви «Культура» национальнай проектть «Обеспечение качественно нового уровня развития инфраструктуры культуры» («Культурная среда») региональнай проектть эряфс ётафтоманц мяльса кирдезь.

 

Тядде вяре азф театрати капитальнай ремонтонь тиемс нолдаф 41900,0 тёжянь цалковай, эздост 41062,0 тёжянь цалковайсь—федеральнай бюджетть средстванзон, 838,0 тёжянь цалковайсь—Мордовия Республикань республиканскяй бюджетть средстванзон эзда.

 

Тефне контрактть коряс арьсевихть шумордамс тяддень 1 ноябрьста.

 

Някань театраса вятевихть демонтажнай работат, петевихть вельхкссь, кияксне, полафтовихть электровалдоптомань, отоплениянь, пожарнай сигнализациянь систематне, ладяви вентиляциянь система, ётафтовихть сантехническяй работат, зданиясь петеви ульцяста и потмоста и стак тов.

 

Театрать зданияс путови сценань механикань оцю технологиянь оборудования, конань вельде кармай кепсевома-валгондома сценать площадкац.

 

2019 кизоня «Культура малой Родины» федеральнай партийнай проектть вельде някань театрати рамавихть FORD маркань гастрольнай кафта автобуст, тя тевонди максови 4 миллиотт 600 тёжянь цалковай. Автобусне учсевихть августста.

 

Тя театрать директороц, «Культура малой Родины» партийнай проектть региональнай общественнай советонц председателец Е.Я.Романовский мярьгсь:

 

—Автобусне тейнек пяк эрявихть. Театрась—«Большие гастроли» федеральнай целевой программань участник. Меля якаме гастрольс Кавказу и Поволжьява. Тядде мольхтяма Грозный ошу. Ширесонк арьсесаськ примамс Кемеровскяй областень Новокузнецк ошста театрать.

 

Някань Мордовия Республикань Государственнай театрась «Культура малой Родины» партийна проектса примси участия 2017 кизоста сявомок. Путфоль и няфтьфоль проектнай колма спектакльхть, рамафоль валдоптомань, звуковой оборудования, креслат залу.

 

В.В.Руженков башка мяль шарфтсь сянди, што ремонтнай тефне шумордамат азф пингти, арьсема и ванома театрать маласа территориять благоустройстванцты.

 

Т.АЛЬШИНА.

 


31.07.2019 №
 
 
 

 
НОВОСТИ
 
 

ЭСОНЗА АФ МАДОНДЫ ТОЛКС ЮРНАЙ МИНЦЕННЕТИ КЕЛЬГОМАСЬ

 
Родной кялень кельги, национальнай коень-обуцянь ванфты, афкуксонь патриот. Тянь ули кода азомс Мордовиянь Инсарскяй райононь Пою велеса шачф-касф мокшавать Анастасия Афанасьевна Шумкинать (Акшаевать) колга. Аф ваномок сянь лангс, што сон лама киза ни аф эряй мокшэрзянь масторса, эсонза аф мадонды толкс юрнай семботи минценнети кельгомась. Мзярда корхнень Анастасия Афанасьевнань мархта, тя шарьхкодевсь эстокиге. А ушедозе азондомать аф эсь колганза, а ёмла родинанц эзда.

 

Уликс легендать мяльс сявозь, атянзон атясна эрясть оцю губор лангса, конань лемоцоль Ош панда ляй, кона кафта ширде шарфоль вирьхнень мархта, а нинге кафта ширде ульсть сери крутоярхт, конатнень ала шудесь Исса ляйсь. Пингонь ётазь карафне ушедсть пяярема и ляйсь полафтозе ведень шудема вастонц, вов эста родонь плямась сась мяльс ётамс эряма такор вастти, коса ульсь кода касфнемс козя урожай, а Иссать трвава кассь поювонь оцю и туста вирь. Вельденза алятне шапондсть од кутт семьяснонды. Тяфта и эвондась велеть лемоц—Пою.

 

Школаса тонафнемстонза Анастасия сидеста ванондсь раскопкатнень мельге, конатнень Ош панда ляйса ётафнезь Мордовскяй госуниверситетонь студенттне и преподавательхне. Синь мушендсть сёвонень кядьгонь пакшт, трудонь кевонь орудият, налонь пет, авань мазоптомат, монетат и лама мезе лия. Кунардонь эряма вастста ламоц муфкснень ули кода няемс Саранск ошса Краеведческяй музейса, улихть синь и велень школань музейса.

 

24.10.2019  № 42
 
 
 

Россиянь и Мордовиянь Народнай артисткась, Мордовия Республикань Почётнай гражданинць Александра КУЛИКОВА:

 «ПАВАЗУВАН, МЕС ЭРЯН МОРДОВИЯСА!»
 
Тячи республиканьконь столицаса, Саранскяйса, ушедсы эсь работанц Мордовскяй (мокшень и эрзянь) народть Межрегиональнай общественнай организациянц Всероссийскяй VII съездоц. Пингстонза вановихть кизефксне, конат оржаста ащихть мокшэрзянь нациять инголе. Тя оцю пуромксть карша тейнек удалась корхнемс Россиянь и Мордовиянь Народнай артисткать, Мордовия Республикань Государственнай премиянь лауреатть, Славань III степенень орденонь кавалерть, Мордовия Республикань, Рузаевкань и Темников ошень почётнай гражданинть Александра Куликовать мархта. Александра Николаевна сувси съездонь делегаттнень лувксс.

 

Александра Куликовать лемоц лац содаф аф аньцек эсь республикасонк, но и ламоц лия вастова. Вии, седиень-ваймонь токай вайгялец лездсь велень стирняти арамс кельговиксокс тежятть ваныти. Эсь творческяй кинц артисткась ушедозе 1962 кизоня «Умарина» моронь и кштимань государственнай ансамбльса. Лама киза А.Куликова кеняртьфнесыне ломаттнень сольнай мораманц мархта.

 

Александра Николаевнань творческяй киц козя гастролень ширде. Вайгялец кайгсь аф аньцек Россияса, но и лия ширеса: Германияса, Чехословакияса, Финляндияса, Польшаса, Венгрияса, Китайса, Белоруссияса, Украинаса, Молдавияса, Киргизияса, Таджикистанца, Чувашияса. Лия регионца и нльне омба масторса улемста артисткати удалси васьфнемс-корхнемс тоса эряй мокшетнень и эрзятнень мархта, а сяс аф кулемас коре содасы, мезсь синь пичефтьсыне-таколфтсыне.

 

Корреспондентоньконь мархта корхнемста артисткась азозе, мезе ученды мокшэрзятнень оцю пуромксснон эзда, мезть колга мялец корхтамс сонцень, а стане жа отвечась и лия кизефкснень лангс.

 

 

 
24.10.2019  № 42
 
 
 

МОКШЕНЬ И ЭРЗЯНЬ КЯЛЬХНЕ ТОНАФНЕВИХТЬ ШКОЛАТНЕНЬ

Понедельникста Саранск ошень округонь Администрацияса ётафтф оперативнай совещанияса ванондовсь лама кизефкс. Башка мяль шарфтфоль Мордовскяй (мокшень и эрзянь) народть Межрегиональнай общественнай организациянц VII съездонцты анокламати. Тяса азфоль, што Саранскяень 45 сембе школатнень эса 2 класста сявомок 7 классти молемс тонафневихть мокшень и эрзянь кяльхне. Тя тевса заняф 94 педагог. Тонафнемаса фатяф 17916 ученик. Недяляти макссеви 1-2 част. Тяда башка, тяконди водендафт кружокне, музейхне. Саранскяень идень сембе саттнень эса тевс ноляви «Минь эрятама Мордовияса» этнокультурнай компонентсь. Дошкольнай учреждениятнень эса мокшэрзянь народть историянц, коензон-обуцянзон и культуранц мархта иттне содафневихть культорологическяй аспектть, налхксематнень вельде. Стане жа работай этнокультурнай (кштимань, музыкальнай, народнай творчествань) 93 кружок, коса заняф 2160 шаба. Тянь и ламоть лиять колга заседанияса пачфтсь социальнай политикать коряс Департаментть директоронц заместителец—Образованиянь управлениять начальникоц Оксана Шуляпова.

 

24.10.2019
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин