Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

События

ТЯДДЕ РЕСПУБЛИКАСА НАЦИОНАЛЬНАЙ ПРОЕКТТНЕНЬ ТЕВС НОЛДАМАНКСА МАКСОВИ 11 МИЛЛИАРДТА ЛАМА ЦАЛКОВАЙ

Лятфтасаськ, Мордовия Республикась примай участия сембе 12 национальнай проекттнень эса, конат азфт Российскяй Федерациянь Президентть В.В.Путинонь майскяй указсонза. Кода мярьгсь В.Д.Волков, нацпроекттнень эряфс етафтоманкса республикав федеральнай бюджетста нолдавихть оцю ярмакт. Синь лувкссна, кле, кафтонь-крда сяда оцю сянь коряс, мзяра региононьке получась 2018 кизонь футболть коряс Миронь чемпионатти анокламанкса. Инь лама ярмак нолдави образованиять и здравоохранениять виияфнеманкса.

 

Республикань Оцюнять валонзон коряс, тядде национальнай проекттнень эряфс етафтоманкса  Мордовияса арьсекшневи нолдамс 11 миллиардта лама цалковай, работатне кармайхть мольфтевома 208 объектса. Строявихть идень 10 сатт, кафта школат, онкологическяй диспансерть поликлиникац и идень поликлиника Химмашса, кафта фельдшерско-акушерскяй пунктт. Санитарнай авиациять виияфнеманц рамкаса колма вертолетнай площадкатнень эзда фкясь, культурань и спортонь кемоньда лама объект, конатнень еткса Някань республиканскяй театрась, тяниень пингонь спортивнай площадкат и школьнай спортзалхт, культурно-досуговай центра и кинотеатра. Сави петемс 130 вайгяльбень кувалмоса кит, тяконь лувксса республикань сембе райоттнень эса, и благоустроендамс пцтай 100 куд перьф и общественнай территория.

 

—Ся, кодама  курокста и цебярьста кармайхть мольфтевома ня тефне, ламода ащи местнай власттнень работаснон, а стане жа ведомстватнень ёткса курокстонь тевонь вятемать эзда,—мярьгсь республикань Оцюнясь.—Получаф средстватне нолямат тевс эсь пингстонза и педа-пес.

 

В.Д.Волков шарфтсь мяль сянди, што тевс апак нолдак ярмакне аф мрдафтовихть федеральнай бюджету, а явовихть лия региоттнень эзга, конат вятьсазь тевть сяда маштозь. Сяс, кода мярьгсь республикань вятись, эряви работамс пингть инголязь, инголенди анокламс проектно-сметнай документациять объекттненди, конатнень арьсекшневи сувафтомс региональнай проекттненди.

 

Эсь корхтамасонза Мордовиянь Оцюнясь лоткась ся объекттнень лангс, конатнень эса строямась-петемась мольфтеви лафчста. Тяфта, тя пингс апак ушетт Ковылкинаса центральнай площадть, а стане жа Рузаевкаса 1905 кизонь Революциять лемса площадть благоустроендамаснон коряс работатне.  Графикть эзда лядондозь мольфтеви Ромодановаса и Инсарса парковай зонатнень петемасна. Республикань вятись кошардозень райононь оцюнятнень малаткшнемс путф задачатнень пяшкодемаснонды ответственностень марязь, лиякс, кле, улихть примафт кеме мерат.

 

Правительствань члеттненди и райононь оцюнятненди мярькфоль пачфтемс национальнай проекттнень колга республиканскяй СМИ-нь эса, штоба ломаттне  содалезь, мезенди синь эрявихть, кодама полафтксненди вятихть и стак тов.

 

                                                                                                О.Евдокимова.

 


08.08.2019 №31
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин