Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

События

3000-да ЛАМА ТОННА СЁРА АРЬСЕКШНЕВИ УРЯДАМС «БОГДАНОВСКОЕ» ВЕЛЕНЬ ХОЗЯЙСТВАСА

—Васенце задачась ня шитнень—эсь пингстонза и лац-ряц урядамс сёроть,—азонды хозяйствань директорсь С.С.Якомаскин.—Озимойса видеф паксятне урядафт ни. Марнек синь занцесть 750 гектар. Тяни кярьмодеме яровойхнень лядема, синь эздост учсетяма сяда оцю урожай озимойхнень коряс. Ётай кизонь коське сёксесь ашезь макса касыксненди виензамс, лама вастова видеф площаттнень эса тозербрятне лафчтольхть, кржа зёрна мархта.

 

«Богдановское» хозяйстваса эрь центнер сёрось сявф учётс. Тяса содасазь мзяра тяляф, мзяра ускф тинголангу и прважаф утомс. Хозяйстваса тёжянть вельф оцю сюра мархта жувата, сяс тялоти эряви сембе ширде анокламс, фуражть эзда ащи лофцонь получамась и буканятнень касфтомаса привесне.

 

—Сембе паксянь тефнень мельге ваны главнай агрономсь Василий Викторович Десяев,—азонды сяда тов директорсь С.С.Якомаскин.—Нильгемонь киза агрономкс покодемста Василий Викторович пуроптсь сёронь касфтомаса разнай метоттнень коряс козя опыт. Ня шитнень сонь рабочай шиц ушеткшни кота частста шобдава: васенда сон ванцыне сёронь паксятнень, сембе вастова ли кенерсь зёрнась, а сяда меле максы команда комбайнерхненди лисемс тя или тона участкав. Специалистсь эсь вастсонза и лемозонза най азондан аньцек шнамань валхт.

 

Степан Степановичень эзда минь содасаськ, кие тячи сёронь урядамаса инголи молихнень ёткса. Нят комбайнерхне К.И.Горшков, П.Б.Мещеряков, А.В.Ерзамаев, В.К.Чевтайкин. Сембонь синь работань оцю стажсна, сезонцта тяльсихть лама сяда тонна сёра. Ня ломаттненди аф эряви лятфнемс, што сёронь урядама пингста эрь частсь пяк питни, эсь тевснон синь тиендьсазь совестьс коре, курокста, ванфнесазь эрь зёрнанять.

 

Колма сменаса мольфтевихть работатне тинголангса. Паксяста ускф сёрось ноляви сортировальнай машина пачк, кда эрявксты нолдави сушилкава. Тяса сембось ётафневи технологическяй вешфкснень коряс. Тя участкаса пример работаса няфнихть машиноветтне П.Котькин, Ю.Сарайкин, водительсь Б.Кулин, зерносушилкать мельге ванысь С.Гришин.

 

                                                                                                         Н.ЛОБАНОВ.

 

                                                                                                   Фототне авторть.

 

 


08.08.2019 №31
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин